-14 °С
Ҡар
Бөтә яңылыҡтар
Йәмғиәт
11 Ғинуар 2011, 22:43

Өс һөйләм менән

Рәсәйҙә «Рәсәй Федерация­һы мәғарифы тураһында» закон проекты тирәләй фекер алышыуҙар 1 февралгә тиклем дауам итә. Был хаҡта үҙ ҡарашыңды zakonoproekt2010.ru. сайтында белдерергә мөмкин. Әйткәндәй, яңы федераль закон бер юлы ике документты – «Мәғариф тураһында» һәм «Юғары һәм вуздан һуңғы һөнәри белем тураһында» закондарын алмаштырасаҡ.

Рәсәйҙә «Рәсәй Федерация­һы мәғарифы тураһында» закон проекты тирәләй фекер алышыуҙар 1 февралгә тиклем дауам итә. Был хаҡта үҙ ҡарашыңды zakonoproekt2010.ru. сайтында белдерергә мөмкин. Әйткәндәй, яңы федераль закон бер юлы ике документты – «Мәғариф тураһында» һәм «Юғары һәм вуздан һуңғы һөнәри белем тураһында» закондарын алмаштырасаҡ.

Байрам көндәрендә республиканың коммуналь хужалыҡ объекттары тотороҡло эшләне, тип хәбәр итә БР Торлаҡ-коммуналь хужалығы министрлығының матбуғат хеҙмәте. Айырым етеш­һеҙлектәр оператив рәүештә бөтөрөлгән. ҡалаларҙа ла күп ҡатлы йорттарҙа өҙөклөктәр теркәлмәгән.

Башҡортостан аграрийҙары сә­сеү кампанияһына әҙерлекте әүҙемләштерҙе. Былтыр хужалыҡтарҙа 278 мең тонна бөртөклө һәм ҡуҙаҡлы культуралар орлоғо һаҡлау­ға һалынған. Быйыл республикала сәсеү майҙаны 3,3 миллион гектар тәшкил итәсәк, был үткән йылға ҡарағанда алты процентҡа күп.

Өфө дәүләт нефть техник университеты студенттары – буласаҡ архитекторҙар – Миләүшә Ғабдрахманова, Татьяна Полякова һәм Инна Тарасова абруйлы Европа конкурсы финалына сыҡҡан. Унда ҡатнашыусылар Берлиндың Олимпия паркын, бөтә талаптарға тура килтереп, яңынан проектларға тейеш булған. 34 илдән 1000 проект араһынан Өфө студенттарының эшен жюри перспективалы тип баһалаған, һәм ҡыҙҙар 14 ғинуарҙа үтәсәк финалда сығыш яһаясаҡ.

Үткән тәүлектә Башҡортостан­да биш автомобиль янған. Өфөнөң Октябрь, Калинин райондарында, Ишембай ҡалаһында машина яныуына транспорттың ватылыуы сәбәпсе булһа, Благовещенда сит ил автомобилен махсус яндырғандар. Баҡалы районында иһә автомобиль хужаһы «дүрт тәгәрмәсле дуҫ»ын янғындан үҙ көсө менән ҡотҡарып өлгөргән.

Башҡортостан Милли музейында иртәгәнән «Пермь осоро һөйрәлеүселәре йомағы» тигән күргәҙмә эшләй башлай. Вятка палеонтология музейы экспозицияһы нигеҙен динозаврҙар барлыҡҡа килгәнгә тиклемдән дә боронораҡ йәшәгән һөйрәлеүселәрҙең ҡалдыҡтары тәшкил итә. 250 – 500 миллион йыл элек көн күргән скутозавр менән иностранцевия йыртҡыс­тары һөлдәләрен дә күрергә мөмкин.

Ғинуарҙа Мәсетле районында ҡу­мыҙсылар һәм өзләүселәр конкурсы үтәсәк. Сара мартта уҙасаҡ төбәк-ара конкурсҡа әҙерлек сифатында ойошторола. Мәсет­лелә ҡумыҙсылар оҫталыҡҡа тәү тапҡыр ғына ярышмай – конкурс йөҙәрләгән талантты асты.

Республикала ата-әсәләре хо­лоҡ төҙәтеү урындарында булған балаларға «Фәрештәнең Раштыуа шыршыһы» («Рождественская елка Ангела») акцияһы үтте. Ата-әсә, балаһына нимә бүләк итергә теләгәнен күрһәтеп, анкета тултырған, открытка яҙған, ә волонтерҙар, бүләктәр алып, балаларға тапшыр­ған. Сараны ойоштороусылар – БР буйынса Язаны үтәү федераль хеҙмәте, наркополиция, Рәсәй балалар фонды төбәк бүлексәһе, «Һөйөү» хәйриә фонды.

А. ИШЕМҒОЛОВА әҙерләне.