Ҡәрҙәштәр менән хеҙмәттәшлек мөмкинлектәре ҡарала

БР Хөкүмәте саҡырыуы буйынса кисә республикаға Евразия Үҫеш банкыһы (ҡаҙағстан) етәкселәре килде. Сәфәр барышында ҡаҙағстан банкирҙары Башҡортостандың хужалыҡ тармаҡтарының перспективалы үҫеш йүнәлештәре менән танышты, республиканың инвестиция проекттарын бойомға ашырыуҙа банк эшмәкәрлегенең буласаҡ йүнәлештәрен тикшерҙе, шулай уҡ БР-ҙың дәүләт власы органдары вәкилдәре һәм сәнәғәт предприятиелары етәкселәре менән осрашты.