Ришүәт алдым – ҡулға бығау һалдым

БР Тикшереү комитетының тикшереү органдары, Учалы районындағы бер ауыл советы етәксеһен ҙур күләмдә ришүәт алыуҙа ғәйепләп, енәйәт эше асҡан. Тикшереү һөҙөмтәһенә ярашлы, август айында был ир икенсеһенән закон­һыҙ рәүештә һыу ятҡылығы янында ҡуртымға ер алырға ярҙам иткәне өсөн 200 мең һум ришүәт алған. Хакимиәт башлығын аҡса алғандан һуң үҙенең эш кабинетында БР буйынса Эске эштәр министрлығы хеҙмәткәрҙәре ҡулға ала. Әлеге ваҡытта тикшереү эштәре дауам итә.