Бөтә яңылыҡтар
Мәғариф
12 Декабрь 2022, 18:08

"Изгелек каникулға китмәй"

4 – 8 декабрҙә бөтә ил буйынса ирекмәндәр «Изгелек каникулға китмәй» Бөтә Рәсәй конкурсы финалында ҡатнашты. Улар  тәжрибә уртаҡлашыу, фекерҙәштәр менән танышыу, шулай уҡ әүҙем ирекмәнлек эшмәкәрлеге өсөн лайыҡлы бүләктәр алыу өсөн Мәскәүгә йыйылды.

"Изгелек каникулға китмәй"
"Изгелек каникулға китмәй"

Бында быйыл грант конкурсында еңеү яулаған ирекле отряд ағзалары, «Изгелек технологияһы» ирекле тәжрибәләр конкурсында финалға сыҡҡан отряд вәкилдәре һәм еңеүселәре, шулай уҡ  уларҙың әүҙем ата-әсәләре һәм уҡытыусылары - бөтәһе Рәсәйҙең 55 төбәгенән 200-ҙән ашыу кеше килде. Улар өсөн бай программа әҙерләнгәйне: тренингтар, оҫталыҡ дәрестәре, түңәрәк өҫтәл. Ирекмәндәр эшлекле уйын, тематик кисәләрҙә лә әүҙем ҡатнашты.

Конкурс еңеүселәрен бүләкләү тантанаһында Рәсәй Федерацияһының мәғариф министры Сергей Кравцов та тәбрикләне. Финалда Октябрьский ҡалаһындағы 3-сө гимназияның йәш ирекмәндәре лә үҙ ирке менән эшмәкәрлек алып барыу тәжрибәһен күрһәтте.

Автор:Гөлназ Шәйхетдинова
Читайте нас в