Онлайн-сменаны БР Мәғариф һәм фән министрлығының Милли мәғариф идаралығы начальнигы Илдус Ҡаһарманов асып:
– Йәйләү»ҙә ҡатнашыусылар тарихты өйрәнеү, этномәҙәниәткә сумыу аша халыҡ аҡылын һәм философияһын өйрәнә. Беҙ тыуған төйәгебеҙҙе һаҡларға, ата-бабаларыбыҙҙың лайыҡлы вариҫтары булырға тейешбеҙ!», – тип сәләмләне.
Ә хөрмәтле ил инәһе, программа авторы Мәрйәм Бураҡаева йүнәлешле онлайн-смена балаларҙың һәләтен асырға, башҡорт халҡының тарихына, мәҙәниәтенә һәм ғөрөф-ғәҙәттәренә һөйөү уятыуға ярҙам итеүен белдерҙе.
Үткән йылдарҙа онлайн-смена Башҡортостан, Рәсәй төбәктәренән һәм сит илдәрҙән 4 меңгә яҡын ҡатнашыусыны йыйғайны. Иң әүҙемдәре мәғариф һәм фән министрлығының дипломдары һәм ҡиммәтле приздары менән бүләкләнде.
Бында ҡатнашырға теләүселәр «Бәйләнештә» селтәрендәге төркөмдә https://vk.com/yaylau2022 теркәлеп, көн һайын онлайн-сменаның эшмәкәрлегендә әүҙем ҡатнаша ала.
Фото: Т. АМАНОВ.