Олимпиадала I – IX синыф уҡыусылары ҡатнаша ала

Был олимпиадала I – IX синыф уҡыусылары ҡатнаша ала.

– Онлайн рәүештә үткән ярыш финанс грамоталылығы буйынса төп терминдар һәм принциптарҙы төшөнөргә ярҙам итәсәк. Уйын форматында ҡатнашыусылар йәшәү өсөн мөһим кеҫә аҡсалары сығымдарын планлаштырыу күнекмәләрен аласаҡ, эшҡыуарлыҡ нигеҙҙәрен өйрәнәсәк һәм шәхси сифаттарын тикшерәсәк, –  тип билдәләне Башҡортостан Республикаһының Финанс министры Лира Иғтисамова.
Трансляция 1 мартта Мәскәү ваҡыты менән иртәнге сәғәт 10-сы яртыла Рәсәй банкының «Бәйләнештә»ге рәсми төркөмөндә башлана. Бынан тыш, сара сәхифәһендә һәм Учи.ру платформаһында уҡытыусыларҙың, уҡыусыларҙың шәхси кабинеттарында ла трансляцияға ҡушылырға мөмкин.

Онлайн-дәрес форматында олимпиаданы Рәсәй Банкы Рәйесенең беренсе урынбаҫары Владимир Чистюхин асасаҡ.

Олимпиадаға түбәндәгесә ҡушылырға мөмкин:

1. Әгәр уҡытыусының һәм уның уҡыусыларының Учи.ру платформаһына инеү мөмкинлеге бар икән, үҙҙәренең логинын һәм паролен яҙып, Учи.ру сайтына йәки олимпиада сайтына инеп, мәсьәләләрҙе сисеүгә тотонорға кәрәк.
2. Әгәр Учи.ру платформаһына инеү мөмкинлеге юҡ икән, сайтта теркәлеү үтергә, һуңынан уҡытыусыға синыфты һәм уҡыусыларҙы өҫтәргә, һәр балаға инеү өсөн логиндар һәм паролдәр таратырға кәрәк. Бынан һуң уҡыусылар мәсьәләләр сисә башлай аласаҡ. Эштәрҙе үтәүгә бер сәғәт ваҡыт бирелә.

Фото: Т. АМАНОВ.