БДИ һәм ТДИ-ға әҙерләнеү өсөн консультация көндәре билдәле булды

«Башҡортостан Республикаһында электрон белем биреү» мәғариф порталында имтихан тапшырыуға әҙерләнеү өсөн материалдар һәм бөтә фәндәр буйынса Башҡортостан Республикаһының предмет комиссиялары эксперттары менән онлайн-консультацияларға һылтанмалар урынлаштырылған. Был хаҡта Мәғариф һәм фән министрлығы хәбәр итә.

8 февралдән бөтә фәндәр буйынса ла онлайн-консультациялар үтәсәк:

БДИ – һәр шишәмбе һәм кесаҙна көндөҙгө сәғәт 3-тән 5-кә тиклем (8-24 февраль графигы буйынса);

ТДИ – һәр шаршамбы һәм йома көндөҙгө сәғәт 3-тән 5-кә тиклем (9 февралдән 2 мартҡа тиклем).

Консультацияларҙы Башҡортостан Республикаһының республика предмет комиссияһы рәйестәре һәм эксперттары уҙғарасаҡ. Һорауҙарығыҙ булһа, түбәндәге электрон почтаға ебәрә алаһығыҙ:

БДИ буйынса  — [email protected]

ТДИ буйынса  — [email protected]. 

Фото: «»Башинформ».