Иҫебеҙҙә ҡалдырабыҙ

Хәрефтәрҙе танырға өйрәтеү өсөн магазинда ниндәй генә тауар тәҡдим итмәйҙәр. Төрлө карточка, магнит уйын, плакат, стенаға элеп ҡуйыр өсөн тауышлы алфавит – ә беҙ ҡул аҫтындағы әйберҙәрҙе ҡулланып ҡарайыҡ. Тәүҙә үҙегеҙ төрлө материалдан хәреф яҙып күрһәтегеҙ. Ниндәйҙер ярма йәки конструктор детален ҡулланырға мөмкин. Хәрефте тәүҙә үҙегеҙ, һуңынан бала яҙып ҡараһын. Шул ваҡытта хәреф тураһында берәй шиғыр йәки табышмаҡ уҡылһа, бигерәк тә яҡшы. Бәләкәс үҙенсә хәрефтең образын тыуҙырасаҡ, яҡшы хәтерләп ҡаласаҡ һәм киләсәктә текста шунда уҡ таныясаҡ.