Бер түңәрәк, ике һыҙыҡ, тимәгеҙ...

Дистанцион форматта өйҙә эшләгәнде күҙәтеп йөрөгән бала бер көн миңә былай тине:– Минең дә яҙғым килә. Тик гәзит түгел, ә китап эшләргә теләйем.Ҡулына өр-яңы блокнот тоттороп:– Мә, улайһа. Үҙеңдең китабыңа нимә теләйһең, шуны яҙ, – тинем. – Ә һүрәт эшләргә буламы? – улымдың ауыҙы ҡолағына етте.– Әлбиттә.“Китап сығарыусы” ике-өс көн буйы башын баҫып ултырҙы, тауыш-тыны сыҡманы тиерлек. Шулай итеп, “презентация” мәле лә килеп етте. Оһо, күҙҙең яуын алырлыҡ һүрәттәрҙең ниндәйе генә юҡ!...– Ниндәй матур дельфин!– Ул бит дельфиндың балаһы, ҡыҙыҡай. Ҡыҙыл бантын күр­мәйһеңме ни? Океанда аҙашҡан, ә алыҫта-алыҫта атаһы йөҙөп килә – бына ошо нөктә.– Был ниндәй ағас?– Шыршы. Уны Яңы йылға киҫмәгәндәр, тере ҡалғанына ул ҡыуана. Шатлығынан ботаҡтары өҫкә ҡарай үрелгән хатта.Ысынлап та, тотош китап икән – Искәндәрҙең һәр һүрәткә ҡарата аңлатмаһы бар, бының аша бәләкәй рәссамдың күңелендә ниҙәр барлығын уҡып була икән!Ысынлап та, психологтар, һәр баланың һүрәтендә уның психологик хәле сағылыш таба, тип иҫәпләй.