«Башҡортостан» милли паркында боронғо хайуандарҙың һөйәктәре табылған

Июлдә Рәсәй Фәндәр академияһы Урал бүлексәһенең Үҫемлектәр һәм хайуандар экологияһы институты хеҙмәткәрҙәре Көньяҡ Урал мәмерйәләрен тикшерҙе.

«Яңыраҡ спелеологтар тапҡан ҙур булмаған мәмерйәлә ғалимдар 140 000 - 10 300 йыл элек йәшәгән Башҡортостан һәм Урал өсөн һирәк осраған йыртҡыс һөйәген йыйған», - тип хәбәр иттеләр милли парктан.

Экспедиция ағзаһы Мария Павлова әйтеүенсә, урында бик күп ҡыр үгеҙе, мөгөҙморон, мамонт һәм ат һөйәктәре табылған. Ғалимдар мәмерйәлә гиеналар күпләп йәшәгән тигән һығымтаға килгән.

Фото: Т. Аманов