Бөтә яңылыҡтар
Новости
14 Ноябрь , 16:45

Ағиҙел менән Сибай моноҡала исемлегенә инерме?

Хөкүмәттең оператив кәңәшмәһе барышында Ағиҙел һәм Сибай ҡалаларын моноҡалалар исемлегенә индереү буйынса Башҡортостан Хөкүмәте Премьер-министрының беренсе урынбаҫары - иҡтисади үҫеш һәм инвестиция сәйәсәте министры Рөстәм Моратов һөйләне.  

Ағиҙел менән Сибай моноҡала исемлегенә инерме?
Ағиҙел менән Сибай моноҡала исемлегенә инерме?

 

РФ Иҡтисади үҫеш министрлығы яғынан принципиаль ҡарарҙарҙың булмауы был эште ҡатмарлаштыра , тип билдәләне ул. Республикала социаль-иҡтисади яҡтан   йылдам үҫешкән  биләмәләр күрһәткән уңышлы һөҙөмтәләр был ҡалаларҙағы хәлдәрҙе яҡшы яҡҡа үҙгәртә алыр ине.

 Башҡортостан Премьер-министры Андрей Назаров ошо эште дауам итергә йөкләмә бирҙе.

Атап әйткәндә, Башҡортостандың биш моноҡалаһында (Бәләбәй, Күмертау, Белорет, Благовещен, Нефтекама) эшләгән йылдам социаль-иҡтисади үҫеш биләмәһендә халыҡтың миграция үҫеше һәм эшһеҙлектең кәмеүе теркәлә. Инвесторҙарҙың үрҙә әйтелгән биләмәләрҙә тормошҡа ашырған проекттары республика иҡтисадына 14 миллиард һум килтерә.

 

 

Фото: ufa.rbc.ru

Автор:Зөһрә Йәһүҙина
Читайте нас в