«Патриот» паркында етәкселәр ярышҡа әҙерләнә

 Ярышта Башҡортостан Республикаһы Башлығы Хакимиәте, Хөкүмәт, министрлыҡ һәм муниципалитет командалары ҡаршылыҡтар һыҙатына сығасаҡ.  Уҙыш Рәсәйҙә иң оҙон булған уникаль трассала уҙа. Сарала ҡатнашыусылар һыу кәртәләрен, бейек стеналарҙы, ауыш ҡоймаларҙы, сәнскеле сым, ер аҫты тоннелдәрен, арҡандарҙы, соҡорҙарҙы һәм һыу тултырылған соҡорҙарҙы үтәсәк.

Әйткәндәй,  парк майҙансығында был көндө баскетбол буйынса «Ҡыҙғылт һары туп» бөтә Рәсәй ярыштарының төбәк этабы үтәсәк. Республиканың барлыҡ муниципалитеттарынан 120-нән ашыу команда иң көслөләрҙе асыҡлаясаҡ. Спорт байрамы ҡунаҡтары һәм ҡатнашыусылары өсөн «Форд Боярд» квест, лазертаг һәм страйкбол тиры кеүек 3 күңел асыу майҙансығы ойоштороласаҡ. Балалар өсөн айырым «Геройҙар уҙышы» балалар трассаһы йыһазландырыла, уға 15 ҡаршылыҡ инә.

Фото: Т. АМАНОВ.