Андрей Назаров һүҙҙәренсә, бығаса булмаған санкция баҫымы һөҙөмтәһендә барлыҡҡа килгән сикләү сараларының кире эҙемтәләрен бөтөрөргә кәрәк. Шуға бәйле, прогноз проектын актуалләштергәндән һуң, Башҡортостан Башлығының «2024 йылға тиклем Башҡортостан Республикаһы социаль-иҡтисади үҫешенең стратегик йүнәлештәре тураһында»ғы 310-сы Указы һәм Социаль стратегия кеүек стратегик документтарҙың маҡсатлы параметрҙарын синхронлаштырыу мөһим.
Ултырышта үткән биш айҙағы ҡайһы бер һөҙөмтәләр ҙә иғлан ителде.
Сәнәғәт етештереүе үҫеше – 6,2, сауҙала 3,1 процент күрһәтә. Төҙөлөштәге эш күләме 119,2 процентҡа артҡан. Инвестиция йәлеп итеү әүҙемләшкәне лә теркәлгән.
Премьер-министр белдереүенсә, төп күрһәткестәргә өлгәшеүҙе бурыс итеп алырға кәрәк.
– Дөйөм алғанда, фараздар буйынса республика иҡтисадының үҫеше 2025 йылға 8,7 процентҡа етергә тейеш. Был аҡсалата иҫәпләгәндә - 2,8 триллион һум, – тине БР иҡтисади үҫеш һәм инвестиция сәйәсәте министрының беренсе урынбаҫары Айрат Фәхретдинов.