Укроп тиҙ шытһын өсөн

Был аш  тәмләткес үҫемлек тупраҡта 20-25 көндән һуң әҙерлекһеҙ шытып сыға.

Укроп тиҙ генә шытһын өсөн нимә эшләргә мөмкин? Бер нисә ысул бар.

 Орлоҡто дымлы марляға һалалар һәм бүлмә температураһында 2-3 тәүлек буйына даими дымлылыҡта  бүрткәнсе  тоталар. Һуңынан орлоҡтарҙы  бер аҙ киптереп сәсәләр. Шытымдар 2 аҙнанан барлыҡҡа киләсәк.

Шытымды тиҙләтеү өсөн өс көн һыуҙа ла тоторға мөмкин.

Ҡайһы бер баҡсасылар орлоҡто туҡыма моҡсайға һалып, 2 минут 55 –60 градуслы эҫе һыуҙа ла тоталар.

Шулай уҡ ике көн көл  , бер нисә сәғәт марганцовка, «Эпин», «Цирокон» иретмәһенә һалыу ҙа яҡшы һөҙөмтә бирә. Һыуҙа, иретмәләрҙә эшкәртеү эфир майҙарын иретә, яралғыны уята.

   Укроп әсе тупраҡты йәки ашламаның артыҡ өлөшөн яратмай.

Фото: ogorodbezzabot.ru