Ишморат ауылы ағай-олатайҙары рәхәтләнеп бәүелсәктә эйә!

Нуриман районы башҡорттары ҡоролтайы төркөмөндә хәбәр итеүҙәренсә, уларҙағы Ишморат ауылы ир-егеттәре, өлкән ағай-бабайҙар бергә йыйылып, ейән-ейәнсәрҙәренә бәүелсәк эшләп ҡуйған. Ныҡлығын үҙҙәре үк тикшереп ҡарағандар: бәүелсәккә ултырып, бала саҡтарын иҫкә төшөрөп, рәхәтләнеп эйеп алғандар.

Нуримандар айыҡ тормош алып бара, спорт менән шөғөлләнә, өмәләр үткәрә, йылға-күл ярҙарын таҙарта, мәсеттәр төҙөй, ғөмүмән, изге эш-ғәмәлдәр атҡарып йәшәргә ынтыла, тиелә төркөмдә.

Автор:Айбулат Ишназаров

Читайте нас:

Ултыр беҙҙең арбаға!

"Йәшлек" гәзитенең "Телеграм"дағы каналына ҡушыл, дуҫ!