Вадим Харисов химия буйынса Бөтә донъя олимпиадаһының уҡыу-күнекмәһенә саҡырылды

 Ҡатнашыусылар Рәсәй халыҡтар дуҫлығы университетында өс тур һынауын үтте, ике теоретик һәм тәжрибә эштәрен башҡарҙы.

Башҡортостан командаһы составына иң яҡшы 5 уҡыусы - республика олимпиадаһы еңеүселәре һәм призёрҙары ингәйне. Команданы әҙерләү менән Олимпиада хәрәкәтенең Остаздар ассоциацияһы уҡытыусылары шөғөлләнде. Улар команда менән уҡыу йылы дауамында даими дәрестәрҙә һәм химия мәктәптәрендә, даими күнекмәләр барышында һәм «Аврора» таланттарҙы үҫтереү үҙәгенең уҡыу-күнекмә йыйындарында эшләне. Команда ағзаларының барыһы ла – республиканың иң яҡшы химиктары, республика инженер интернат-лицейында нигеҙендәге Өфө дәүләт нефть техник университеты универсарий алдында уҡый.

Эштәр ҡатмарлы, үҙенсәлекле һәм уйлап табыусан фекерләүҙе талап итһә лә, егеттәр уларҙы уңышлы башҡарып сыҡты! Вадим Харисов олимпиаданың абсолют еңеүсеһе булды. Ксения Федотова һәм Александр Зиновьев призёрҙар тип танылды. Улар барыһы ла  IX синыфта уҡый. Тағы ла шуны билдәләп үтергә кәрәк, олимпиада һөҙөмтәләре буйынса абсолют еңеүсе Вадим Харисов химия буйынса Бөтә донъя олимпиадаһына Рәсәй командаһының уҡыу-күнекмәләренә саҡырылды.

Туғыҙынсы синыф уҡыусылары Глеб Микрюковҡа һәм Данил Моталлаповҡа призёр булыр өсөн бик аҙ ғына балл етмәй ҡалды. Уларҙың барыһы ла алда әле.

Еңеүселәр һәм призёрҙарҙы, уларҙың остаздарын, ата-әсәләрен ҡотлайбыҙ. Яңынан-яңы еңеүҙәр теләйбеҙ.

Әйткәндәй, олимпиада призёрҙарына Республика Башлығы премияһы тапшырыла, улар илдең теләгән юғары уҡыу йортона йүнәлеше буйынса һөнәргә имтиханһыҙ инеү хоҡуғына эйә була һәм унда уҡыған осорҙа Рәсәй Президенты грантын алыуға дәғүә итә ала. Өфө дәүләт нефть техник университетында олимпиада призёрҙарына һәм еңеүселәренә  беренсе курста айына 100 мең һум стипендия тәғәйенләнә.

Олимпиада хәрәкәтенең остаздар ассоциацияһы – остазлыҡ системаһын тормошҡа ашырыусы проект. Өфө дәүләт нефть техник университеты студенттары уҡыусылар менән Рәсәйҙең халыҡ уҡытыусыһы Лиза Ҡыям ҡыҙы Әғәҙуллина тәжрибәһе нигеҙендә эшләй. Проект Президент гранттары фонды, республиканың Мәғариф һәм фән министрлығы, "Аврора" һәләттәрҙе үҫтереү төбәк үҙәге, республика инженер интернат-лицейы нигеҙендә Өфө дәүләт нефть техник университетының универсарий алды, Йәштәр эштәре буйынса федераль агентлыҡ һәм "Үҙгәрештәргә ҡаршы" фонды нигеҙендә хупланды.

Фото: Т. АМАНОВ.