Бөтә яңылыҡтар
Новости
23 Март 2022, 14:18

Был изге эштә ҡатнашыуын ғаиләһе лә хуплаған

Баш ҡалабыҙҙан Айбулат Сәлихов «Берҙәм Рәсәй» партияһының ирекмәндәр рәтенә инергә хәл итә.

Был изге эштә ҡатнашыуын ғаиләһе лә хуплаған
Был изге эштә ҡатнашыуын ғаиләһе лә хуплаған

Уның был изге эштә ҡатнашыуын ғаиләһе лә хуплаған.

– Март башында Өфөгә Донецкиҙан Головиндар ғаиләһе килгәйне. Уларҙы яҡындары ҡаршы алып, урынлаштырҙы. Улар «Беҙҙең хәстәрлек» колл-үҙәгенә шылтыратып, аҙыҡ-түлек, кейем-һалым, көнкүреш химияһы менән ярҙам итеүҙәрен һорағайны. Беҙ бөтә нәмәне алып барып тапшырҙыҡ», – ти ирекмән.

Виктория Головиндар ғаиләһе республикаға 6 мартта килгән. Ханым һөйләүенсә, улар Өфөлә 18 йәшлек улы Александр менән булғандары бар.

– 2014 йылда беҙгә Донецкиҙан китергә тура килде. Ул саҡта ирекмәндәр беҙгә ярҙам итте. Аҙыҡ-түлек килтерҙеләр, кәрәк-яраҡтар менән тәьмин иттеләр. Был юлы ла мин уларға мөрәжәғәт иттем дә инде. Улар шунда уҡ яуап бирҙе. Беҙҙең һауыт-һабабыҙ: тәрилкә, көрөшкә, кәстрүлдәр юҡ ине. Партия ирекмәндәре кәрәкле аҙыҡ-түлек, шәхси гигиена әйберҙәре һәм кухня кәрәк-яраҡтары алып килде  – хәҙер бөтәһе лә бар. Барығыҙға ла ҙур рәхмәт. Был бик кәрәкле ярҙам», – ти Виктория.

 «Берҙәм Рәсәй» партияһының «Беҙҙең хәстәрлек» проекты кураторы Гөлшат Мөхәмәтшина Виктория Головинаның партияның колл-үҙәгенә гуманитар ярҙам һорап мөрәжәғәт итеүен билдәләне.

– Тыуған йортонан ситкә китергә мәжбүр булған ғаиләләр ирекмәндәр үҙәгенә мөрәжәғәт итә. Башлыса аҙыҡ-түлек менән ярҙам итеүҙәрен һорайҙар. Донецк һәм Луганск Халыҡ Республикалары халҡына йәмәғәт ярҙамы штабында аҙыҡ-түлек һәм көнкүреш химияһы тултырылған пакеттар йыйылды. Головиндар ғаиләһенә бирҙек. Шулай уҡ республикала йәшәүселәрҙән ярҙам тураһында тәҡдимдәр менән шылтыратыуҙар килеүен дауам итә», – ти Гөлшат Мөхәмәтшина.

 

Фото: Т. АМАНОВ.

Автор:Гөлназ Шәйхетдинова
Читайте нас в