Янғын ике кешенең ғүмерен өҙгән

Бөгөн таңғы сәғәт биштә Рәсәй Ғәҙәттән тыш хәлдәр министрлығының Башҡортостан Республикаһы буйынса баш идаралығына Стәрлетамаҡ ҡалаһында күп фатирлы йортта урынлашҡан фатирҙа янғын сығыуы тураһында хәбәр килә. Адрес буйынса янғын һүндереүселәр, башҡа ашығыс хеҙмәттәр ебәрелә. Тәүге янғын-ҡотҡарыу подразделениеһы килеп етеүгә янғын һүндерелгән була. Утта ике кешенең һәләк булыуы асыҡлана. Өс кеше дауаханаға оҙатылған.

Янғындың сәбәбе асыҡлана, урында тәфтиш-оператив төркөм, һынау янғын лабораторияһы эксперты һәм Рәсәй Ғәҙәттән тыш хәлдәр министрлығы тикшереүсеһе эшләй.

Фото: асыҡ сығанаҡтарҙан.