Ҡалды йырҙары, шиғырҙары ғына...

12 мартта Арыҫлан Мөбәрәков исемендәге Сибай башҡорт дәүләт драма театры сәхнәһендә Башҡортостандың атҡаҙанған уҡытыусыһы, Яҙыусылар һәм Журналистар союзы ағзаһы, композитор Зөһрә Фәйзуллинаның хәтер һәм ҡәҙер кисәһе  үтәсәк. Унда Башҡортостандың халыҡ артисы Фәрүәз Урманшин, Башҡортостандың атҡаҙанған артистары Лина Ғәниева һәм Альберт Салауатов, билдәле эстрада йырсыһы Сәйет Билалов, Әбйәлил районы таланттары һәм Сибай концерт-театр берекмәһе йырсылары ҡатнаша.

Кисәлә шулай уҡ Зөһрә Хәдис ҡыҙының вафатынан һуң донъя күргән "Мөғжизәгә ышаныс" йыйынтығының исем туйы ла үтә.