Рәсәйҙә шәхси машиналар өсөн мотлаҡ техосмотр бөтөрөлдө

Бынан ары граждандар эйә булған һәм улар тик үҙ мәнфәғәттәрендә генә файҙаланған еңел автомобилдәр һәм мототранспорт саралары техник торошто тикшереүҙән азат ителде.

Яңы норма такси кеүек пассажир ташыусы транспортҡа һәм эш өсөн ҡулланылған шәхси машиналарға ҡағылмай.

Техосмотр машинаны иҫәпкә ҡуйғанда, эйәһен алмаштырғанда, конструкцияһын үҙгәрткәндә, төп агрегаттарҙы алмаштырғанда ғына талап ителәсәк.