Йондоҙнамә (22–28 июнь)

Һыуғояр ( 21.01 – 19.02)

Аҙнаны әүҙем үткәрерһегеҙ. Тәүге уңыштарҙан һуң кәйефегеҙ күтәрелер, ярҙам итергә теләүселәр ҙә табылыр. Яҡындарығыҙ менән үткән ваҡиғаларҙы телгә алмаҫҡа кәңәш ителә, юғиһә үпкәләшеүегеҙ ихтимал.

Балыҡ (20.02 – 20.03)

Тыныс ҡына эш итеү өсөн мөмкинлегегеҙ булмаҫ. Бер юлы күп нәмә тураһында уйларға, ҡапыл килеп сыҡҡан мәсьәләләрҙе хәл итергә тура килер. Был арала күптән күрмәгән туғанығыҙ менән осрашырһығыҙ.

Ҡуҙы ( 21.03 – 20.04)

Әүҙем, тәүәккәл кешеләргә йондоҙҙар һәр саҡ ярҙам итеп торор. Бар осраҡта ла яуаплылыҡты үҙ өҫтөгөҙгә алыуҙан ҡурҡмағыҙ. Бәғзеләр был арала фекерҙәш тә табыр. Осрашыуҙар, аралашыуҙар файҙалы уҙыр.

Буға ( 21.04 – 21.05)

Элек тотонорға баҙнат итмәгән мәсьәләләрҙе урынынан ҡуҙғатып ебәрерһегеҙ, бәлки. Һәр саҡ яҡындарығыҙҙың ярҙам-терәген тойорһоғоҙ. Кесе йомала ниндәйҙер өмөтлө күренгән тәҡдим алыуығыҙ бар. Уға ризалашырға кәңәш ителмәй.

Игеҙәктәр (22.05 – 21.06)

Был арала үҙ-ара бәхәстәр күбәйер. Шуға күрә әллә ни ырата алмаҫһығыҙ һымаҡ. Шулай ҙа бәғзеләр был осраҡта ла, араларҙы боҙмай, бер аҙ алға китә алыр. Яратҡан кешегеҙҙән яҡшы хәбәр ишетерһегеҙ.

Ҡыҫала ( 22.06 – 23.07)

Ваҡ-төйәк уңышһыҙлыҡтар осрап торор. Уларға иғтибар бирмәҫһегеҙ. Күңел төшөнкөлөгөнә бирелмәҫкә тырышығыҙ. Йондоҙҙар был арала һеҙгә үҙегеҙҙе аңлаған кешеләр янында күберәк булырға кәңәш итә.

Арыҫлан (24.07 – 23.08)

Дүшәмбенән үк эшкә егелеп, аҙнаны файҙалы үткәрерһегеҙ. Шаршамбыла эштәгеләр менән ҡытыршылыҡ килеп сығыуы бар. Шәмбелә йорт-хужалыҡ хәлдәре өҫтәмә сығымдар талап итер.

Ҡыҙ ( 24.08 – 23.09)

Шишәмбелә эш урынығыҙҙа ҡыйынлыҡтар осрар. Кемгәлер икенсе кешенең бурыстарын йөкмәтерҙәр йәки һеҙ башҡарған эш өсөн икенсене маҡтарҙар. Шәхси тормошоғоҙҙа ыңғай үҙгәреш төҫмөрләнер.

Үлсәү ( 24.09 – 23.10)

Һәр хәлдә лә йондоҙҙар ашыҡмаҫҡа ҡуша. Шишәмбеләге һөйләшеүгә ныҡлап әҙерләнерһегеҙ. Уның һөҙөмтәләре мөһим буласаҡ. Был арала һис тә уйламаған ерҙән аҡса килеүе бар. Шәмбелә кәрәкмәгән әйберҙәрегеҙҙән ҡотолорһоғоҙ.

Саян ( 24.10 – 22.11)

Был арала элек боҙолған мөнәсәбәттәрҙе тергеҙергә мөмкинлек булыр, моғайын. Ваҡ-төйәк мәшәҡәттәр ҙә осрар. Бәғзеләр ярҙам да эҙләр, бәлки. Йомала, киреһенсә, һеҙҙән ярҙам һорарҙар.

Уҡсы ( 23.11 – 21.12)

Йондоҙҙар был көндәрҙә күберәк үҙ тәжрибәгеҙгә таянырға саҡыра. Кеше кәңәштәре зыян ғына килтерәсәк. Шишәмбелә яҡындарығыҙ менән килеп сыҡҡан бәхәс кәйефегеҙҙе боҙор. Кесе йоманан һуң үҙегеҙҙе ышаныслыраҡ тойорһоғоҙ.

ӨМӨТБАЙ.