Йондоҙнамә (8–14 июнь)

Һыуғояр (21.01 – 19.02)

Яҡын арала сәфәргә сығыуығыҙ ихтимал. Унан яңы һәм өмөтлө тәҫьораттарға байып ҡайтырһығыҙ. Сығымдарығыҙ ҡәҙимгенән артыр. Ләкин бының өсөн ҡайғырмағыҙ. Бәғзеләр ҙур һәм мөһим эшкә тотонор.

Балыҡ ( 20.02 – 20.03)

Кемдер был көндәрҙә бурысҡа аҡса һорар, бәлки. Йондоҙҙар бирмәҫкә ҡуша, сөнки аҡсағыҙҙы бөтөнләй юғатыуығыҙ мөмкин. Шаршамбыла бик файҙалы һөйләшеү көтөгөҙ. Йомала нимгәлер күҙегеҙ асылыр.

Ҡуҙы ( 21.03 – 20.04)

Аҙна ҡатмарлы һәм ҡаршылыҡлы булмаҡсы. Һәр хәлдә тыныс ҡалырға тырышығыҙ. Ашыҡмайынса килеп сыҡҡан мәсьәләләрҙе бар яҡтан да тикшереүегеҙ мөһим. Эштәрегеҙ бигүк насар бармай. Ыңғай үҙгәрештәр көтөгөҙ.

Буға (21.04 – 21.05)

Мәл киләсәккә ҡорған маҡсаттарығыҙҙы асыҡлау өсөн уңайлы. Уларҙы яҡындарығыҙ менән тикшереү ҙә файҙалы булыр. Бер юлы фекерҙәштәр ҙә табырһығыҙ. Яҡын арала сәфәргә ҡуҙғалырһығыҙ. Ул күңелегеҙҙе мотлаҡ күтәрер.

Игеҙәктәр ( 22.05 – 21.06)

Иң мөһим эштәрегеҙҙе аҙнаның тәүге көндәренә тәғәйенләүегеҙ дөрөҫ булыр. Был көндәрҙә рәсми ойошмалар менән бәйле мәсьәләне ыңғай хәл итерһегеҙ. Шаршамбынан һуң һис уйламаған мәшәҡәттәр килеп сығыр.

Ҡыҫала ( 22.06 – 23.07)

Был арала һиҙелерлек алға китә алмаҫһығыҙ һымаҡ. Шулай ҙа шишмәбелә яҡшы хәбәрҙәр алырһығыҙ кеүек. Күптән күрмәгән кешеләр менән осрашырға ла ваҡыт табырһығыҙ. Йорттағы мәшәҡәттәр ҡаплыл күбәйергә оҡшай.

Арыҫлан ( 24.07 – 23.08)

Йондоҙҙар һеҙгә өмөтлө көндәр вәғҙә итә. Шишәмбелә эске тауышығыҙ дөрөҫ юл күрһәтер. Шаршамбыла һәм шишәмбелә уңайлы мәлдәр осрар. Йомала аҡсағыҙҙы йәлләмәгеҙ; ваҡыт үткәс, ул икеләтә артып ҡайтыр.

Ҡыҙ ( 24.08 – 23.09)

Ҡыйынлыҡтар осрап торор. Шишәмбелә ныҡышмалылыҡ күрһәтергә тура килер. Йыш ҡына үҙ фекерегеҙҙе яҡларға ла кәрәк булыр. Бәғзеләрҙең ошо арала бөтөнләй уйламаған тәҡдим алыуы ихтимал.

Үлсәү ( 24.09 – 23.10)

Аҙналағы хәлдәр һәр саҡ ҡыуандырып торор. Иң ҡатмарлы мәсьәләләр ҙә һеҙҙе ҡурҡытмаҫ һымаҡ. Иғтибарлығығыҙ һәм тырышлығығыҙ арҡаһында һәр саҡ башҡаларҙан өҫтөн булырһығыҙ. Кесе йомала килем алырһығыҙ.

Саян ( 24.10 – 22.11)

Һеҙҙе көсөргәнешле көндәр көтә. Эштәрегеҙ алдан уйлағандан күбәйер. Икенсе кешеләрҙең хаталарын да төҙәтергә тура килер, бәлки. Эш араһында башҡаларҙың йомоштары менән дә булышырһығыҙ.

Уҡсы ( 23.11 – 21.12)

Элек ҡатмарлы күренгән эштәрегеҙ яҡшы барыр. Тик түҙемлек күрһәтеүегеҙ мөһим. Был арала ашыҡмаҫҡа һәм башҡаларҙы ла ашыҡтырмаҫҡа тырышығыҙ. Һеҙҙең тирәләге хәлдәр яй барасаҡ, быны ла иҫәпкә алырға онотмағыҙ.

ӨМӨТБАЙ.