Йондоҙнамә (30 март – 5 апрель)

Һыуғояр ( 21.01 – 19.02)

Әгәр әүҙем эш итһәгеҙ ҡыйынлыҡтарҙан ҡурҡмаҫҡа мөмкин. Хәл итә алмаҫлыҡ мәсьәләләр булмаҫҡа тейеш. Тик кесе йомала ғына ярҙамға мохтажлыҡ кисереүегеҙ ихтимал. Әйткәндәй, уны табыу еңел булыр.

Балыҡ ( 20.02 – 20.03)

Мәл икенсе эш урыны эҙләү өсөн уңайлы. Бәғзеләр яңы килем сығанағын тап ошо арала табыр, бәлки. Йондоҙҙар кеше араһында артыҡ асылырға ҡушмай, серҙәрегеҙ шундуҡ таралып китер.

Ҡуҙы ( 21.03 – 20.04)

Аҙна башы үтә мәшәҡәтле көтөлә. Артабан барыһы ла үҙ яйына ҡайтыр, моғайын. Яҡын кешеләрегеҙгә ярҙам итергә лә тура килер, бәлки. Бының өсөн ҡайһы бер эштәрегеҙҙе туҡтатып торорһоғоҙ.

Буға ( 21.04 – 21.05)

Шишәмбелә ауыр мәсьәләгә осрарһығыҙ ҙа, уны тиҙ генә хәл итерһегеҙ. Тик эске тауышығыҙҙы тыңлағыҙ. Кесе йомала уңайлы мәлдәр, көтөлмәгән осрашыуҙар булыуы ихтимал.

Игеҙәкәтәр ( 22.05 – 21.06)

Был арала һеҙҙән түҙемлек талап ителә. Йыш ҡына еңде һыҙғанып эштәрегеҙгә сумырһығыҙ, моғайын. Ҡай саҡ ярҙамға ла мохтаж булырһығыҙ. Яңы таныштарығыҙға артыҡ өмөтләнмәгеҙ, уларҙан зыян ғына булыр.

Ҡыҫала ( 22.06 – 23.07)

Аҙна башын әүҙем үткәрерһегеҙ. Артабан ҡаршылыҡтар ҡапыл күбәйер, төп эшегеҙҙә башҡалар менән бәхәстәр килеп сығыуы ихтимал. Шуларҙың бәғзеләре бик оҙаҡҡа һуҙылыуы бар.

Арыҫлан ( 24.07 – 23.08)

Көндәр яҡшы кәйеф килтерер. Аралашыу еңел булырға тейеш. Шулай ҙа шаршамбынан һуң эштәрегеҙ ҙә буталсыҡ килеп сығыуы бар. Йүнләп белмәгән кеше менән артыҡ асылып китеүегеҙ зыян килтереүе ихтимал.

Ҡыҙ (24.08 – 23.09)

Бәләкәй генә ҡыйынлыҡтар эсегеҙҙе бошорор. Был арала көтөлмәгән һәм күңелгә ятамаған ваҡ-төйәк ваҡиғалар күбәйер. Иң тәүге сиратта һеҙҙҙән түҙемлек һәм иғтибарлыҡ талап ителә.

Үлсәү ( 24.09 – 23.10)

Эштәрегеҙ һәүетемсә генә барған кеүек. Шишәмбенән һуң ваҡиғаларҙың уйламаған йүнәлештән китеүе ихтимал. Уларҙы ыңғай яҡҡа үҙгәртеү өсөн көс-тир түгерһегеҙ. Яҡындар менән арағыҙ ҙа бер аҙ борсор.

Саян ( 24.10 – 22.11)

Был арала йондоҙҙар ашыҡмаҫҡа ҡуша. Алдан уйланылған һәм тикшерелгән эштәр генә уңыш килтерәсәк. Шаршамбыла кемдәндер кәңәш ишетерһегеҙ. Уны иғтибарға алмауығыҙ, етди хатаға килтерер. Кесе йомала төрлө бәхәстәр күбәйер.

Уҡсы ( 23.11 – 21.12)

Һеҙҙең тирәләге вҡиғалар әкрен барған һымаҡ тойолор. Уларҙы ашыҡтырырға тырышмағыҙ, барыһы ла үҙ яйы менән барһын. Шаршамбыла бәғзеләр тәнҡит һүҙҙәрен дә ишетер, моғайын. Йомала үҙ фекерегеҙҙе яҡларға тура килер.

ӨМӨТБАЙ.