"Йондоҙ"ло табынды Рөстәм ФАЗЫЛОВ әҙерләй

Бешкән йәшелсәләрҙән ҡайнар салат

Өс татлы борос (йәшел, ҡыҙыл һәм һары төҫтәгенән алһаң, салат матур буласаҡ) менән шул сама уҡ баклажанды йыуып, 200 градус ҡыҙыулыҡтағы ме­йестә 30 – 40 минут тирәһе бешерергә. Әҙер йәшелсәләрҙе полиэтилен ҡапсыҡҡа һалып, 15 минут тоторға – шулай ит­кәндә улар еңел таҙар­ты­ла.
Ул арала соус әҙерләргә мөм­кин. Ике ҡалаҡ зәйтүн майына ике балғалаҡ бөртөклө гәрсис, бер ҡалаҡ лимон һуты, самалап ҡына тоҙ, борос ҡат­нашмаһы, шәкәр һалып, бу­тарға.
Борос менән баклажанды әрсеп, орлоҡтарынан таҙар­тырға һәм турарға. Уларҙы тә­рилкәгә сиратлап, ҡатлы-ҡатлы итеп һалырға. Һәр ҡатына соус һыларға. 
Салат өҫтөн базилик япраҡ­тары һәм консерваланған эре каперстар менән биҙәп, йылы килеш табынға бирергә. Ул ит ризыҡтары менән бергә бик тәмле була.

Шоколадлы кекс

Бүлмә температураһында йомшарған 150 г аҡ майға бер стакан шәкәр һәм дүрт йо­мортҡа һалып, миксер менән күпергәнсе туғырға. Был мас­саға 160 г он, 40 г крахмал, өс ҡалаҡ ванилинлы шәкәр он­тағы, балғалаҡ осонда ғына сода һәм лимон кислотаһы һалып бу­тарға. Иң аҙаҡтан 50 г йөҙөм һәм 40 г ваҡлап туралған шоколад ҡушырға. Бутағас, бер аҙ ултыртып торорға кәрәк.
Ҡамырҙы махсус формаға һалып, 200 градус ҡыҙыу­лыҡ­тағы мейестә 40 минут бешереп алырға.

Йәшелсәләрҙән аш-пюре

Дүрт баш һуғанды, 800 г ки­шерҙе әрсеп-турап, дүрт ҡалаҡ үҫемлек майында ҡыҙ­ҙырырға. Шунан кәстрүлгә һалып, 1 л һурпа йәки һыу өҫтәп, утҡа ҡуйырға. Таҙартып туралған картуф (1,2 кг тирәһе), ике лавр ярпағы, петрушка һалып ҡай­натырға. Йәшел­сәләр беш­кәс, уның яртыһын алырға, ә ҡалған яртыһын блендер менән иҙергә.
Иҙмәне ҡабат утҡа ҡуйып, бешкән йәшелсәләр, 200 г кон­серваланған йәшел борсаҡ, 200 мл һөт өҫтө ҡушып, тоҙ, борос һибеп, тағы ла биш минут быҡ­тырырға. Табынға йәшел тәм­ләткестәр, сохарый һәм ҡаймаҡ менән бирергә.

      Гөлнур ҠЫУАТОВА 
яҙып алды.