Йондоҙнамә (9 –15 март)

Һыуғояр (21.01 – 19.02)

Тырышһағыҙ, шишәмбелә бигерәк тә һиҙелерлек уңышҡа өлгәшерһегеҙ. Ялҡауҙар был уңайлы мәлде күрмәй ҙә ҡалыр. Бәғзеләр элекке дошмандарын да үҙ яғына ауҙарыр.

Балыҡ (20.02 – 20.03)

Һеҙҙе яҡшы осор көтә. Аҙна уртаһында бөтөнләй таныш булмаған мәсьәләләр менән булышырһығыҙ. Шулай ҙа элек алған тәжрибәгеҙ ярҙам итер. Шәхси тормошоғоҙҙа ыңғай үҙгәрештәр көтөгөҙ.

Ҡуҙы (21.03 – 20.04)

Ниндәйҙер мөһим эштәрҙе башҡара алырһығыҙ һымаҡ. Бәғзеләр күптән туҡталған ниндәйҙер эшенә ҡабат тотонор. Шаршамбылағы мәшәҡәттәргә иғтибар бирмәүегеҙ хәйерле. Улар бик тиҙ онотолор.

Буға (21.04 – 21.05)

Мәл яуаплы һәм мөһим эштәрҙе башҡарыу өсөн уңайлы. Бәғзеләр ныҡлы нигеҙ булдырыр. Тик эшегеҙҙең һөҙөмтәләрен бик оҙаҡ көтөргә тура килер. Йомалағы хәлдәр кәйефегеҙҙе күтәрер.

Игеҙәктәр (22.05 – 21.06)

Үҙ көсөгөҙгә генә таянырға тура килер. Янығыҙҙа ышаныслы кешеләр күренмәҫ. Шаршамбыла алдығыҙҙа яңы етди мәсьәлә ҡалҡыуы ихтимал. Уны ашығыс рәүештә хәл итерһегеҙ.

Ҡыҫала (22.06 – 23.07)

Икеләнеүҙәр, борсолоуҙар күбәйер. Күп файҙалы эш башҡарырһығыҙ. Ләкин уңайлы мәлдәрҙе күрмәҫһегеҙ, моғайын. Шаршамбыла ниндәйҙер матди мәсьәләне хәл итерһегеҙ.

Арыҫлан (24.07 – 23.08)

Был арала элек беленмәгән һәләттәрегеҙ асылыуы ихтимал. Үҙегеҙ генә түгел, яҡындарығыҙ ҙа аптырар, бәлки. Йәшерәктәр үҙ көсөн дөрөҫ баһаламауы ла мөмкин. Еңел аҡса вәғәҙә иткәндәргә артыҡ ышанмағыҙ.

Ҡыҙ (24.08 – 23.09)

Йондоҙҙар һаулығығыҙға ҡарата иғтибарлыраҡ булырға ҡуша. Бәләкәй генә сәбәп булһа ла, табиптарға күренергә йыбанмағыҙ. Күптәр үҙҙәрендә көс-дәрт артҡанын тойор. Бәғзеләр күптән туҡтаған эшкә яңынан тотонор.

Үлсәү (24.09 – 23.10)

Был арала, ниһайәт, етди ҡарар ҡабул итергә мөмкинлек табылыр. Ниндәйҙер тәжрибәле кеше лә ярҙамға килер. Шаршамбыла элек иғтибар бирмәгәнде асыҡ күрерһегеҙ. Бер юлы элек ебәргән хаталарығыҙҙы ла төҙәтерһегеҙ.

Саян (24.10 – 22.11)

Йондоҙҙар бөтә эшегеҙҙә булышлыҡ итер. Ләкин үҙегеҙгә лә әүҙемлек күрһәтергә кәрәгер. Бер аҙ аҡса ла алырһығыҙ. Бәғзеләргә күптәнге бурыс та ҡайтарырҙар йәки башҡа килем килер.

Уҡсы (23.11 – 21.12)

Тырышһағыҙ, барыһына ла өлгөрөрһөгеҙ. Бынан тыш, оло туғандарығыҙҙың береһенә ярҙам да итә алырһығыҙ, моғайын. Ниндәйҙер сараға саҡырыу алыуығыҙ ихтимал. Унан баш тартмағыҙ.

ӨМӨТБАЙ.