"Йондоҙ"ло табынды Инсаф ҒӘЛИМОВ әҙерләй

“Алдаҡсы” 
ваҡ бәлештәр

Ғәҙәттә, ваҡ бәлештәрҙең эслеген ит һәм картуфтан әҙер­ләйҙәр. Ә беҙ үҙебеҙ өсөн йыш ҡына балыҡ консер­ва­һынан бешерәбеҙ. Ул тәмле лә, тиҙ ҙә әҙерләнә, шулай уҡ үҙенсә­лекле лә була.
Ике йомортҡаға 300 г ҡай­маҡ (42 процент ҡуйы­лыҡ­тағы), бер балғалаҡ ҡамыр ҡабартҡыс (разрыхлитель), самалап тоҙ һәм 1,5 – 2 стакан он һалып, йомшаҡ ҡамыр ба­ҫырға. Уны 5 – 6 өлөшкә бүлеп, йәйергә. Эслекте һалғас, ваҡ бәлеш фор­маһында бөрөргә лә 180 градус ҡыҙыулыҡтағы мейестә 25 минут тирәһе бешереп алырға. Эҫе сағында өҫтөнә иретелгән аҡ май һөртһәң, улар алтынһыу ғына төҫтә буласаҡ.
Эслек өсөн ике ҡалаҡ үҫем­лек майында ваҡлап туралған берәр баш һуған менән татлы боросто 3 – 4 минут тирәһе ҡыҙҙырырға. Уға бер балғалаҡ тәмләткестәр ҡатнашмаһы (борос, тоҙ, кориандр, кипкән һарымһаҡ, укроп һәм баш­ҡалар), ике банка консер­ва­ланған һөмбаш (лосось) ба­лығын сәнске менән иҙгеләп һалып, яҡшылап бутарға. Артыҡ һутлы булһа, бер аҙ һарҡытырға мөмкин.

Ҡайнар 
шоколад

Бер йомортҡаны күпергәнсе миксер менән туғырға. Уға яйлап ҡына 50 мл һөт ҡу­шырға. 200 г аҡ шоколадты болғата-болғата һыу быуында иретергә. Болғатыуҙы туҡ­тат­майынса уға 250 мл һөт, йомортҡалы ҡатышма ҡу­шырға. Артабан был массаны бәләкәй кәстрүлгә бушатырға һәм ҡайнап сығыр хәлгә ет­кергәнсе утта тоторға. Әммә эсемлек ҡайнарға тейеш түгел.
Шоколадты эсер алдынан өҫтөнә берәр семтем төйөлгән дәрсен һәм әсе борос һибергә мөмкин – улар эсемлеккә үҙен­сәлекле тәм бирәсәк.

Йәшел соуслы
балыҡ

1,5 л һыуға бер стакан ҡоро аҡ шарап һалып, самалап тоҙ өҫтәргә. Уны талғын ғына ҡайнатып, 1,5 кг ауырлыҡтағы һөмбаш балығын 20 минут бешереп алырға. Бер аҙ һы­уын­ғас, балыҡты алып, 3 – 4 өлөшкә бүлергә.
200 г майонезға берәр бәй­ләм кресс-салат һәм йәшел һуған һалып, блендерҙа ваҡ­ларға. Шулай уҡ ҡара һәм ҡыҙыл борос, бер аҙ лимон һуты ла ҡушырға мөмкин. Балыҡтың өҫтөнә майонезлы соусты һылап, йоҡа ғына итеп теленгән лимон киҫәктәре менән биҙәргә. Гарнирға беш­кән дөгө йәки булгур ярмаһы бирергә мөмкин.

             Гөлнур ҠЫУАТОВА яҙып алды.