“Йондоҙло табын” - Азамат Тимеров

Ҡаҙы һәм 
тултырмалы
өлөш

Әҙер ҡаҙы менән тултырманы айырым һа­уыттарҙа бешереп алыр­ға. Ҡайнаған саҡта улар ярылмаһын өсөн энә менән тишкесләп торо­ғоҙ. Ҡаҙыны табынға һыуытып бирәләр, шуға уны 12 – 24 сәғәт алдан бешереп ал­ғанда ла була.
Ҡаҙы һурпаһы майлы, шуға аш әҙерләп булмай. Ә бына өлөш өсөн йәшел­сәне шул һур­пала бе­шерһәң, бик тәмле килеп сыға. Бының өсөн алдан кәбеҫтә, картуф һәм кишерҙе таҙартып, киҫәктәргә бүлеп, әҙер­ләп ҡуйығыҙ.
Матур тәрилкәгә салат япрағын йәйеп һалғас, тәүҙә бешкән йәшелсәне өйөп һа­лабыҙ. Өҫтөнә телемдәргә ҡырҡылған ҡаҙы менән тултырманы аралаштырып те­ҙәбеҙ. Өлөштөң өҫтөн йәшел тәмләткестәр, ярым түңәрәк­ләп туралған һуған менән биҙәп, табынға бирәбеҙ.

Уха

1 литр һыу иҫәбенә 250 г һыла (судак), 250 г шамбы балығы, 2 картуф, 1-әр һуған менән кишер, 2 ҡалаҡ үҫемлек майы, тәменә ҡарап селдерей, лавр япрағы, тоҙ, борос һәм 40 г сөләймән балығы ыуылдырығы алына.
Балыҡты таҙартҡас, тәүҙә ҡанатын, ҡойроҡ һәм баш өлөшөн һыуға һалып, 10 минут ҡайнатырға. Ул арала ба­лыҡ­тың таҙартылған итен өлөш­тәргә бүлергә, ҡырғыста ҡырылған кишер менән ваҡлап туралған һуғанды майҙа ҡыҙҙырырға. Балыҡ өлөштәрен һурпанан алғас, уны һөҙөргә лә ҡабат утҡа ултыртырға. Унда туралған картуфты һәм балыҡ киҫәк­тәрен һалып, 10 минут бешерергә. Артабан ҡыҙҙырылған йәшелсәне, тәмләткес­тәрҙе һалып, тағы ла 15 минут бешерергә.
Табынға сығарыр алдынан ашты тәрилкәләргә бүлеп һалғас, өҫтөнә туралған селдерей япрағы һибергә һәм яртышар балғалаҡ ыуылдырыҡ һалырға.

Йомортҡа менән картуф
запеканкаһы

600 г картуфты әрсегәс, оҙонсалап турарға һәм 2 –3 мәртәбә йыуып, һыуын һар­ҡытырға. Өҫтөнә 1 ҡалаҡ карри тәмләткесе, самалап тоҙ һалып болғатырға.
Картуфты бутамайса ғына үҫемлек майында (3 ҡалаҡ) 7 минут ҡыҙҙырырға. Артабан аҫтын өҫкә әйләндереп, тағы ла 4 минут ҡыҙҙырырға. Яртылаш бешкән картуфты запеканка формаһына (алдан майларға онотмағыҙ) бушатҡас, тигеҙләп һалырға ла, стакан төбө менән баҫып, 4 уйым эшләргә. Уны 200 градусҡа тиклем ҡыҙ­ҙырылған мейестә 5 минут тоторға. Уйымдарға берәр йомортҡа һытып, тоҙ, борос һибергә. Тағы ла 5 минут бешергәс, запеканканы та­бынға бирергә мөмкин.

     Гөлнур ҠЫУАТОВА әҙерләне.