Ылаҡ ( 22.12 – 20.01)
Аҙнаны иң ауыр һәм мөһим мәсьәләрҙән башлауығыҙ дөрөҫ булыр. Ошо көндәрҙә ниндәйҙер етди һөйләшеү ҙә көтөлә. Уның йомғаҡтары уйламағанса уңышлы булыр. Кесе йома өҫтәмә мәшәҡәттәр килтерер.
Һыуғояр ( 21.01 – 19.02)
Дүшәмбелә яҡшы яңылыҡ ишетерһегеҙ. Шаршамбынан һуң ҡайһы бер ваҡиға кәйефегеҙҙе боҙор. Йондоҙҙар ашыҡмаҫҡа, ваҡиғалар барышын тыныс ҡына күҙәтергә ҡуша. Бер-ике көндән барыһы ла тулыһынса асыҡланыр.
Балыҡ ( 20.02 – 20.03)
Дөйөм алғанда, көндәр һәйбәт килмәксе. Шулай ҙа ҡайһы бер ашығыс аҙымығыҙҙың хаталарға килтереүе ихтимал. Бәғзеләр кеше менән күп осрашыр, фекер алышыр. Ләкин был һөйләшеүҙәрҙең әллә ни һиҙелерлек файҙаһы теймәҫ.
Ҡуҙы ( 21.03 – 20.04)
Шишәмбелә ишеткән кәңәштәргә ҡарата иғтибарлырпаҡ булығыҙ. Кемдер башығыҙҙы бутарға маташа һымаҡ. Кесе йома ауыр килер, моғайын. Үҙ эшегеҙҙән башҡа кеше йомоштары менән дә булышырһығыҙ.
Буға ( 21.04 – 21.05)
Аҙна уңышлы булмаҡсы. Күптәр ихлас күңел менән яңы эштәргә тотонор. Бәғзеләр үҙ көсөн һынап ҡарар. Был арала ҡайһы бер ялған дуҫығыҙ ысын йөҙөн күрһәтер.
Игеҙәктәр ( 22.05 – 21.06)
Көндәр бер аҙ ҡатмарлы килер. Элек иғтибар ҙа бирмәгән ваҡ-төйәк эсегеҙҙе бошорор, моғайын. Ваҡытлыса иң мөһим эштәрегеҙҙе кисектереүегеҙ дөрөҫ булыр. Юғиһә етди хаталар ебәреүегеҙ бар. Кесе йомала барыһы ла яйланыр.
Ҡыҫала (22.06 – 23.07)
Аралашыу бигерәк тә һәйбәт барыр. Теләһә кем менән, хатта дошмандарығыҙ менән дә еңел уртаҡ тел табырһығыҙ. Шаршамбыла иғтибарлы булығыҙ, бәләкәй генә хаталар ҙа етди эҙемтәләргә килтереүе мөмкин.
Арыҫлан ( 24.07 – 23.08)
Иҫтә ҡалырлыҡ вағиғалар осрап торор. Яҡшы хбәрҙәр ҙә ишетерһегеҙ. Йомала йондоҙҙар аҡса мәсьәләһендә һаҡ эш итергә ҡуша. Аҡсағыҙҙы кәрәкмәгән әйбергә тотоноуҙан һаҡланығыҙ. Тиҙҙән һеҙҙе ҙур сығым көтә.
Ҡыҙ ( 24.08 – 23.09)
Шәхси аралашыуҙар һәр саҡ ҡыуандырыр. Осрашыу-һөйләшеүҙәр бик файҙалы уҙыр. Ниндәйҙер мөһим һәм ҡатмарлы мәсьәлә буйынса тыныс ҡына фекер алышыуға, асыҡлыҡ индереүгә форсат табырһығыҙ.
Үлсәү ( 24.09 – 23.10)
Ҡәҙимге осор. Алға табан бер-ике аҙым яһарһығыҙ. Шишәмбе-шаршамбыла ауырыраҡ булыр – өҫтәмә ҡыйынлыҡтар килеп сығыр. Кесе йома кемдер һеҙгә дәғүә белдерер кеүек. Төптән уйлағанда, бында бер аҙ ғәйебегеҙ барҙыр.
Саян ( 24.10 – 22.11)
Ҡайсаҡ ҡыйыныраҡ булһа ла, бирешмәҫһегеҙ. Ҡайһы бер күптән онотолған эшегеҙгә яңынан тотонорға тура килер. Ярҙамға килеүселәр ҙә табылыр. Тик иң мөһим мәсьләләрҙе барыбер үҙегеҙ генә хәл итерһегеҙ.
Уҡсы ( 23.11 – 21.12)
Мәл эштәрегеҙҙе тәртипкә килтереү өсөн уңайлы. Бер юлы кәрәкмәгән нәмәләрҙән дә ҡотолоу мөмкинлеген табырһығыҙ. Йомала бәғзеләр кемгәлер бүләк әҙерләр. Шәмбелә кемдер кәйефегеҙҙе бер аҙ боҙор.
ӨМӨТБАЙ.