Телеңде йоторлоҡ! (3.02.2023)

Печеньенан пирожный

400 г печенье, 150 г  иретелгән аҡ май, бер банка ҡуйыртылған һөт, 2 – 3 аш ҡалағы какао кәрәк.
Печеньены ит үткәргес менән ваҡларға. Йәки полиэтилен ҡапсыҡҡа һалып, уҡлау менән иҙергә. Уға иретелгән аҡ май, какао, ҡуйыртылған һөт ҡушып, барыһын бергә болға­тырға һәм колбаса формаһында әүәләп, өҫтөн ҡапларға ла һыуытҡысҡа ҡуйырға. Иртәнге сәйгә тәмле, татлы «колбаса» әҙер.
Был тәмлекәскә ваҡланған сәтләүек ҡушып ебәрһәгеҙ, тағы ла тәмлерәк булыр.

Адыгея сыры

3 л һөттө ҡайнатырға ла, уға бер ҡалаҡ тоҙ һалып, утты һү­рәнәйтергә. Һөт ҡайнаған арала 400 г әсегән һөткә 3 йомортҡа һалып туҡырға һәм ошо массаны ҡайнаған һөткә ҡушырға. Болға­та-болғата эремсекләнгәнсе то­торға. Ҡуйырғас, марля йәйелгән һөҙгөскә бушатып, өҫтөнә һыулы банка ҡуйып, 3 – 4 сәғәт баҫ­тырып ҡуйырға. Һуңынан һыуыт­ҡыста һаҡларға.