Таныш булығыҙ: «Юлдаш»тар - Светлана Әйүпова

Тыуған ерем: Шишмә районының  Ирек ауылы.
Белемем буйынса мин: Башҡортостан республикаһы Президенты ҡарамағын­дағы Башҡортостан дәүләт хеҙмәте һәм идара итеү академияһын тамамланым. Һөнәрем буйынса менеджермын. 
Радиола нисек эш башланым:  ошо ойошмала хеҙмәт юлымды 1988 йылда башланым. Курьер ҙа булдым, администратор ҙа. Ә 1994 йылда "Тамыр" балалар студияһында хеҙмәт юлымды дауам иттем. Декрет ялынан һуң, 2001 йылда  "Юлдаш" радиоһына эшкә күстем. Хаттар бүлегендә эшләйем.
Эшемдә иң оҡшағаны: тыңлаусы­ларыбыҙ менән тығыҙ аралашыу.
Рәхмәтлемен: әсәйемә, хеҙмәттәш­тәремә һәм төрлө йылда эшләгән етәкселәремә.
Иң иҫтә ҡалған тыңлаусы: ҡотлау бирергә килгән һәр тыңлаусының исемен белмәһәм дә, йөҙгә лә иҫләйем, телефондан тауышын да таныйым.
Яратҡан йырым: кәйефемә ҡарап төрлө йүнәлештәге йырҙарҙы тыңлайым.
Китабым:  тарихи романдарҙы уҡырға яратам, бигерәк тә Ғәлимйән Ибра­һимовтың  "Кинйә"һе күңелгә яҡын.
Фильм:  "17 мгновений весны".
Эштән арып киткән саҡта: бер өҙҙөрөп бейеп алһам, бар арыуҙарым онотола, шулай уҡ бар мәшәҡәтемде онотоп туғандарым, ғаиләм менән тәбиғәт ҡосағында ял итергә яратам.
Ғорурланған һуңғы ҡаҙанышым:  барыһы ла алда әле, өмөт итәм.