Бөтә яңылыҡтар
Махсус биттәр
20 Март 2022, 07:00

"Йондоҙло табын" - Гөлнара ВӘЛИЕВА

Үҙенең аш-һыу серҙәре менән йырсы, Башҡорт дәүләт опера һәм балет театры солисы Гөлнара ВӘЛИЕВА бүлешә.

Йыуаса

Әсәйем йыш ҡына күстәнәскә яңы һауылған һөт ебәрә. Уның менән сәй ҙә тәмле була, ҡамыр баҫып, тәмлекәстәр ҙә бешереп торам. Бигерәк тә йыуасаны әҙерләү тиҙ һәм уңайлы. 1 литр йылы һөткә 1 йомортҡа, ярты балғалак сода, 1 балғалаҡ тоҙ һәм самалап он иләп, йомшаҡ ҡына (ҡулға йәбешеп торған) ҡамыр баҫырға. Уны йәйеп дүрткел формаларға ҡырҡып, бер аҙ ҡабартырға. Суйын табаға мул ғына итеп май ҡойоп, йыуасаларҙы бешереп алырға.

 

Алмалы ҡоймаҡтар

2 стакан йылымыс һөткә 10 г ҡоро сүпрә, 2 ҡалаҡ үҫемлек майы, 1 ҡалаҡ шәкәр һалып бутарға. Сүпрә ебегәс, 3 стакан он, 2 йомортҡа, ярты балғалаҡ тоҙ һалып, ҡамыр бутарға. Уны йылы урынға ҡабартырға ҡуйырға.

Ҡамыр ҡабарып сығыуға уртаса ҙур­лыҡтағы 2 алманы әрсеп, ор­лоҡтарынан та­ҙартып, ҡыр­ғыс­та ҡырырға. Был иҙмәне ҡамырға ҡушып бу­тарға. Ус аяһы ҙурлы­ғын­дағы ҡоймаҡ­тарҙы майлы табала ике яҡлап ҡыҙҙырырға.

 

Бәшмәкле кәт­лит­тәр

200 г бәшмәкте, 1 һуғанды һәм 2 бүлкәт һарымһаҡты блендер менән ваҡларға. Уға ике тапҡыр үткәрелгән 300 г ит, 100 г бешкән дөгө ярмаһы,   ҡырылған 50 г ҡаты сыр, ваҡлап туралған укроп, тә­менә ҡарап тоҙ, ҡара борос өҫ­тәп, яҡшылап бутарға. Ҡул­дарҙы даими һалҡын һыуҙа сылатып, был массанан кәт­литтәр әүәләргә һәм табаға теҙеп һалырға.

1 стакан томат һутына 2 ҡалаҡ крахмал, 3 ҡалаҡ 20 процентлы ҡаймаҡ, 1 балғалаҡ шәкәр һалып, төйөр ҡалмаҫлыҡ итеп туҡырға. Был соусты кәтлиттәр өҫтөнә ҡойорға ла таба өҫтөн фольга менән матурлап ҡапларға. 180 градус эҫелектәге мейестә 50 – 60 минут тирәһе бешерергә. Табынға гарнир менән бирергә.

 

Гөлнур ЮЛДАШЕВА әҙерләне.

Автор:AdminQ Admin
Читайте нас в