Таныш булығыҙ: «Юлдаш»тар - Нияз Әбелғазин

Тыуған ерем: Баймаҡ райо­нының Беренсе Этҡол ауылы.

Белемем буйынса мин: М. Аҡ­мулла исемендәге Башҡорт дәүләт педагогия университетын музыкаль компьютер техно­логияһы буйынса тамамланым, музыка уҡытыусыһы.

Радиола нисек эш башланым:  радиоға тиклем Мостай Кә­рим исемендәге Милли йәш­тәр театрында эш башланым, бергә уҡыған дуҫ радиоға эшкә саҡырҙы һәм 2016 йылдан алып «Юлдаш» радиоһында эшләп йөрөйөм.

Эшемдә иң оҡшағаны: яҡшы коллектив, ижади урында эшләү.

Рәхмәтлемен: ата-әсәйемә, үҙемдең ғаиләмә, яҡындарыма, туғандарыма, дуҫ-иштәргә.

Эшкә бәйле ҡурҡыныс төш:  эфир барышында компьютер туҡтаны һәм бер нәмә лә эшләтә алмай, хәтәр стресс кисерҙем.

Иң иҫтә ҡалған тыңлаусы: «Эфирығыҙға тәүге тапҡыр сы­ғам, йыш шылтыратам, әммә эләгә алмайым», – тип бик тулҡынланып шылтыратыусы бер апай. Был беҙҙең радиоға шылтыратыусыларҙың күп булыуы тураһында һөйләй бит,  тип бер аҙ ғорурланып ултырҙым, шул уҡ ваҡытта башҡаларға мөмкинлек бирмәй бер туҡ­тауһыҙ шылтыратҡан кешеләргә бер аҙ йән дә көйөп китте.

Яратҡан йырым: башҡорт халыҡ йырҙарынан алып заманса йырҙарға хәтлем бөтә йүнәлеш буйынса ла йырҙарҙы тыңлайым. Күңелгә ятһа, барыһы ла оҡшай.

Китабым:  «Мастер и Маргарита», «Война и мир», «Ырғыҙ».

Фильм:  «А зори здесь тихие», «Время»,  «Бабич».

Эштән арып киткән саҡ­тарҙа: мин бит тауыш режиссеры.  Һәр саҡ пульт артындамын. Мөмкин булғанса тауышты кә­метәм, тороп, кирелеп йөрөп алам да артабан эфир тул­ҡындарына көйләнәм.

Ғорурланған һуңғы ҡаҙа­нышым:  йырҙар яҙа башланым. Коллегалар әйтмешләй, һыҙ­ҙырып баянда уйнайым.