Таныш булығыҙ: «Юлдаш»тар - Ғәзиз Әбделмәнов

Тыуған ерем: Хәйбулла райо­нының боронғо башҡорт Степной ауылы.

Белемем буйынса мин: баш­ҡорт филологияһы магистры.

Радиола нисек эш башланым: осраҡлы ғына рәүештә. Төр­көмдәш ҡыҙҙар кастингҡа көсләп килтерҙе.

Эшемдә иң оҡшағаны: тура эфирҙар. Был эштең, ми­неңсә, иң ысыны, иң "тереһе".

Бер мәл эфирҙа: барыһы ла план буйынса китте. Шул хәтлем иҫемдә ҡалды, сөнки ундай мәл бер тапҡыр ғына булды.

Хәтерҙә ҡалған ваҡиға, герой:  бер ҡунаҡ килер алдынан үтә ныҡ тулҡынландым. Ул – Өфөлә эшлә­гән стилист. Беренсе сәбәбе: мин модала бер ни ҙә аңламайым. Икенсеһе: ул минең буласаҡ кәләшем ине.

Рәхмәтлемен: уҡытыу­сы­ла­­ры­ма, ата-әсәйемә, ғаиләмә, "тел асҡыстары" теләгән ҡар­тәсәмә.

Эшкә бәйле ҡурҡыныс төш: һәр иртә тәүҙә эшкә һуңла­ғанымды төшөмдә кү­реп уянам, унан һуң ысынлап уянып, уятҡысты һүндерәм.

Иң иҫтә ҡалған тыңлаусы: миллионлаған тыңлаусының һәр береһен иҫләйем, һәр бе­реһен исемләп беләм. Ышан­майһы­ғыҙ­мы? Бына улар: Рөстәм, Зөлфиә, Хәбир, Альбина, Зөһрә, Заһир, Таһир...

Яратҡан йырым: әлеге ва­ҡытта Филүс Гәрәевтың "Беҙ киләбеҙ" яҙмаһы. Иртәгә ни­сек булыр, белмәйем.

Китабым: Сыңғыҙ Айытма­тов­тың "Тавро Кассандры". Иртәгә шулай уҡ булыр.

Фильм: "Звездные войны" кино­­эпопеяһы (аҙаҡҡы эпи­зод­тарҙан башҡа).

Эштән арып киткән саҡ­тарҙа: мин мунсаға барам.

Ғорурланған һуңғы ҡаҙа­ны­шым: яңыраҡ ҡына ҡы­ҙымды имгәкләп йөрөргә өйрәттем. Ул үҙе өйрәнде, әл­биттә, әммә беҙ ул ҡаҙа­нышты уртаҡ тип танырға килештек.