Таныш булығыҙ: «Юлдаш»тар - Альберт Рамазанов

Тыуған ерем: Салауат Юлаев то­ҡо­мо­нанмын. Салауат районының Урмансы ауылында яҡты донъяға килгәнмен.

Белемем буйынса мин: Башҡорт дәүләт университетының башҡорт филологияһы һәм журналистика факультетын тамамланым.

Радиола нисек эш башланым: 5-се курста уҡығанда. Бала саҡтан Башҡортостан радиоһын тыңлап, сәнғәткә ғашиҡ булып үҫтем. Шуға ла милли рух тәрбиәләүсе "Юлдаш" радиоһында эшләүем осраҡлы түгелдер.

Эшемдә иң оҡшағаны: байрам көндәрендә тура репортаждар алып барыу, йәнле эфир.

Бер мәл эфирҙа: ҡыҙыҡлы һәм ҡыҙғаныс мәлдәр тура эфирҙа күп булды. Сөнки мин һәр саҡ яуаплы көндәрҙә, яуаплы сараларҙа эш­ләйем.

Рәхмәтлемен: радиола эшләүем өсөн музыкаль мөхәрриребеҙ Риф Арыҫланға. Мине телеүҙәккә ул алып килде.

Эшкә бәйле ҡурҡыныс төш:  төш күрергә ваҡыт юҡ.

Иң иҫтә ҡалған тыңлаусы: Өфө ҡалаһында йәшәүсе Вәжиһә апай, ул мине, улым, тип йөрөтә. Тағы ла Учалынан  байрам һайын миңә ҡотлау открыткаһы  һалыусы  бер һылыу.

Яратҡан йырым: һүҙҙәре лә, көйө лә, башҡарыусыһы ла камил булған, еренә еткереп эшләнгән  йырҙарҙы тыңларға яратам.

Китабым: Мостай Кәрим, Рәми Ғарипов, Әнғәм Атнабаев  әҫәр­ҙәре.

Фильм:  "Побег из  Шоушенка".

Эштән арып киткән саҡта: тыуған яҡтарыма ашҡынам. Унда ғына үҙемә көс-ғәйрәт туплай алам.

Ғорурланған һуңғы ҡаҙа­нышым: барыһы ла алда булһын әле...