Таныш булығыҙ: «Юлдаш»тар - Эльвира Атйетәрова

Тыуған ерем: паспортымда Эльвира Туймазы ҡалаһында тыуғанмын, тип  яҙылған, әммә Федоровка районының Юлдаш ауылы, бала сағым, мәктәп йылдарым  үткән, әле лә һағынып ҡайтҡан  тыуған ерем.

Белемем буйынса мин: Башҡорт дәүләт университетын тамамланым.

Радиола нисек эш башланым:  БДУ-ла уҡыған ваҡытта уҡ тәүҙә башҡа радиостанцияларҙа диджей һәм алып барыусы булып үҙемде һынап ҡараным. Псевдонимым Эльвира Янбулатова ине. БДУ-ны тамамлағас, "Юлдаш" радиоһына эшкә урынлаштым. Эш стажым 22 йыл.

Эшемдә иң оҡшағаны: Һәр ваҡыт көнүҙәк ваҡиғалар менән мәғлүмәтле булыу, республика һулышын  тойоу, ижади эш  менән  шөғөлләнеү.

Рәхмәтлемен: әсәйем, Башҡортостандың атҡаҙанған уҡытыусыһы Гөлсәсәк Хәмит ҡыҙы һәм атайым, ауылыбыҙҙың имам-хатибы Кәрим Кәрәмәт улына, һеңлем Венераға, шатлыҡта ла, ауыр саҡта ла бер ғаилә булып йәшәүсе  берҙәм хеҙмәттәштәремә.

Эшкә бәйле ҡурҡыныс төш:  «Юлдаш» радиоһында эшләгән тәүге йылдарҙа төшөмә  музыкаль дисктар инә ине, хәҙер иһә эфирҙа эшләгән ваҡытта компьютер йә пульт  ватылған икән, тип һаташам. Был төш кенә түгел,  ысынбарлыҡта фобияға әйләнде , буғай.

Иң иҫтә ҡалған тыңлаусы: мин бар даими тыңлаусыны  тауыштарынан, телефон номер­ҙарынан танып торам, исем-шәрифтәре, йәшәгән ерҙәре лә хәтерҙә. Бүздәктә йәшәүсе Клара апай Фәрхетдинова менән дуҫ­лығыбыҙға 15 йылдан артты.

Яратҡан йырым: халыҡ йыр­ҙары күңелемә яҡын, Азат Айыт­ҡолов, Мөхәммәт Тулыбаев баш­ҡарыуында ҡурай моңон яратам.

Китабым:  һаман яҙылып бөт­мәгән, ҡараламала. Шиғырҙар китабы сығарырға хыялым.

Фильм:  донья киносәнғәтендә шедеврҙар ижад итеүсе киноре­жиссерҙар Мартин Скорсезе, Стивен Спилбергтың фильмдары.

Эштән арып киткән саҡ­тарҙа: улым Ибраһимдың яңы­нан-яңы һөнәрҙәре артыуын күреү, телмәр үҫешен ишетеү кү­ңелемә ял бирә, ҡала театр­ҙарында  балалар өсөн ҡуйылған спектаклдәргә, концерттарға йөрөргә яратабыҙ.

Ғорурланған һуңғы ҡаҙа­нышым:  тәүге хикәйәмде яҙыу, проза әҫәрҙәр яҙырға әҙер булыуымды аңлау.