Тыуған ерем: Асҡын районының Башҡортостан ауылы.
Белемем буйынса мин: журналист, БДУ-ның башҡорт филологияһы һәм журналистика факультетын тамамланым.
Радиола нисек эш башланым: 1 апрелдә радиола эшләгән курсташтарға килгәйнем. Шунан задание бирҙеләр, уны уңышлы үтәнем. Бер аҙҙан эшкә алдылар.
Эшемдә иң оҡшағаны: кешеләр менән аралашыу, халыҡҡа иң беренселәрҙән булып оператив мәғлүмәт еткереү.
Хәтерҙә ҡалған ваҡиға, герой: Миңлеғәле Шайморатовҡа Рәсәй Геройы исемен биреү, уның Алтын Йондоҙон республикаға килтереү һәм Милли музейға тапшырыу. Иң иҫтә ҡалған герой – “Дахау” концлагеры тотҡоно, Бөйөк Ватан һуғышы яугиры Вәли Бикташев.
Рәхмәтлемен: һәр көнгә!
Эшкә бәйле ҡурҡыныс төш: Өфөлә янғын сыҡҡан. Ҡунаҡ итеп саҡырылған эксперт янғын һүндереүҙә ҡатнаша. Ул тура эфирға килә алмауы тураһында хәбәр итте. Эфирға 30 минут самаһы ваҡыт ҡалған. Ошо ваҡытта икенсе ҡунаҡ табырға һәм саҡырырға тура килде.
Иң иҫтә ҡалған тыңлаусы: Иглин районынан водитель ханым Флорида Ғатауллина.
Яратҡан йырым: “Етегән шишмә”, мотлаҡ Фәрит Бикбулатов башҡарыуында.
Китабым: Эрих Мария Ремарк, “Три товарища”.
Фильм: Владимир Меньшовтың “Москва слезам не верит” картинаһы.
Эштән арып киткән саҡтарҙа: тауға артылам.
Ғорурланған һуңғы ҡаҙанышым: балаларым Мортаза һәм Фатима. Иҫән-һау була күрһендәр.