Бутҡалы кәтлит, ҡышҡы пицца, еүеш манник...

Балалы йорт – бутҡалы йорт. Ярманы күберәк бешерһәм, ҡалғанын төрлө ризыҡ әҙерләгәндә ҡушып ебәрәм. Мәҫәлән, фаршҡа.
Ярты килолай фаршҡа 4-5 аш ҡалағы бешкән бутҡаны ("ячка", "пшенка", "гречка" һ.б. Мин “Артек” бутҡаһы алдым), тоҙ, борос, 2 ҡалаҡ магазин ҡаймағы (мин 3 ҡалаҡ 9 % -лы кефир һалдым), һуғанды ҡырғыс аша үткәреп, 2 йомортҡа һытып онда әүәләргә кәрәк. Майҙа ҡыҙҙырылған кәтлиттар йомшаҡ, тәмле була. Фотоға төшөргәнсе ситтә ятҡандарын урлап та ҡасҡандар, ах!

Мин рецептарым менән Американы асманым, шулай ҙа кемгәлер кәрәге тейер әле! Ейер ризыҡтарыбыҙ киң, хәләл һәм бәрәкәтле булһын!