Уҡыусылар һәм студенттар өсөн

«Ҡала реновациялары» Бөтә Рәсәй ойошмаһы, «Мин һаҡлайым» проектына ярашлы, экология темаһына фотолар конкурсын ойоштора. Унда уҡыусылар, студенттар ҙа ҡатнаша ала.  Конкурстың төп маҡсаты - тирә-яҡ мөхитте бысратыуға һәм фотолар ярҙамында планетала ресурстарҙы рациональ файҙаланмауға кешеләрҙең иғтибарын йәлеп итеү. Эштәр 19 сентябргә  тиклем яберегу.рф сайтында ҡабул ителә.

 Ғаризаларҙы өс номинацияла бирергә мөмкин:

 - Аңлы лайфстайл. Экологик йәшәү рәүешен һәм көнкүреште сағылдырған кадрҙар;

- Ҡалдыҡтарҙы айырыу ҡыйын түгел. Сүп-сарҙы айырып йыйыуҙың көнүҙәклеген сағылдырған фотоһүрәттәр;

 - Иҫке әйберҙәрҙең яңы тормошо. Иҫке әйберҙәрҙе файҙаланыу алымдарын сағылдырған фотоһүрәттәр.

Тулыраҡ мәғлүмәтте ошо һылтанма буйынса яберегу.рф алырға мөмкин.

Фото: Т. АМАНОВ.