«Ата-бабалар теле» конкурсында еңеүсе төбәк тә билдәләнәсәк

Был юлы конкурс дистанцион форматта үтәсәк. Өс йыл эсендә бәйгелә Рәсәйҙең төрлө төбәктәренән 2 меңдән ашыу бала һәм йәштәр ҡатнашҡан. Был конкурста балалар баҡсаһы тәрбиәләнеүселәре, төрлө төрҙәге мәктәптә уҡыусылар, уҡыу йорттары студенттары, бәләкәй йәки ҙур ижади коллективтар, студиялар,  үҙешмәкәр сәнғәт түңәрәктәре һәм туған тел уҡытыусылары, шул иҫәптән рус теле уҡытыусылары ла, көсөн һынай ала.

Бәйгелә ҡатнашҡан эштәр һаны буйынса «Ата-бабалар теле» конкурсында еңеүсе төбәк билдәләнәсәк. Бында еңеүсе балалар ҡатнашлығында сара уҙғарыласаҡ.

Төбәк-ара конкурсты «Ата-бабалар теле» туған телдәргә булышлыҡ итеү фонды ойоштора. Тулыраҡ мәғлүмәтте ошо һылтанма буйынса Язык предков - Фонд поддержки родных языков (ypredkov.ru) алырға мөмкин.

Фото: «Культурный мир Башкортостана» (vk.com).