Конкурс дауам итә, ҡатнашырға ашығығыҙ!

Октябрь башында ғына «Йәшлек» үҙенең егерме йыллығы айҡанлы ошондай исем аҫтында үҙенсәлекле конкурс иғлан иткәйне. Шарт буйынса гәзитебеҙгә ҡарата күңел аңлар, йөрәк тойор иғтибарҙы күрһәтеү зарур. Мәҫәлән, кемдер «Йәшлек»кә арнап шиғыр яҙа, йыр сығара. Ә кемдәр­ҙер яратҡан баҫмаһының исемен сигеп тә, тишеп тә, ҡайып та, соҡоп та, әүәләп тә, семәрләп тә, ябай буяу менән буяп та, ынйы-алтын менән биҙәп тә ҡайҙалыр, нимәгәлер яҙа.Бүләккә иһә – ҙу-ур телевизор! Йәғни уны ихлас күңелдән иң шәп реклама тәҡдим итеүсегә (йә итеүселәргә) бүләк итәсәкбеҙ. Бар зиһенегеҙҙе, фантазияғыҙҙы эшкә егегеҙ! Тәүәккәлләнекме?!Мөхәрририәт.