«Педагогик һәм хеҙмәт династиялары шәжәрәләре» конкурсы башлана

Конкурстың маҡсаты һәм бурысы – йәш быуындың республика һәм ил тарихын өйрәнеүгә ҡыҙыҡһыныуын арттырыу; уҡыусыларҙың, студенттарҙың һәм йәштәрҙең ырыу тарихын өйрәнеү буйынса ғилми-тикшеренеү эшмәкәрлеген әүҙемләштереү, илһөйәрлек, Ватанға, тарихи, хәрби һәм мәҙәни мираҫҡа һаҡсыл мөнәсәбәт тәрбиәләү; йәштәрҙе ғилми-тикшеренеү эшенә йәлеп итеү.
Конкурс  «Яҡташтарым – билдәле уҡытыусылар»; «Оҫталар – үҙ эшенең оҫталары»; «Тыуған яғыбыҙҙың хеҙмәт династиялары (видеоклип)» номинациялары буйынса үткәрелә.

Ғаризалар һәм ғилми-тикшеренеү эштәре 1 октябрҙән 2023 йылдың 1 февраленә тиклем [email protected] электрон почтаһы буйынса ҡабул ителә. Тулыраҡ мәғлүмәт менән архив эштәре буйынса идаралыҡ сайтында танышырға була.

Фото: Т. АМАНОВ.