Һарауыс эшләү буйынса оҫталыҡ дәресе үтәсәк

Ул 22 ғинуарҙа иртәнге сәғәт 11-ҙә Өфө ҡалаһы, Кустар урамы, 17-се йорт адресы буйынса уҙғарыла.  Оҫталыҡ дәресен «Селтәр» студияһы оҫтабикәһе, «Тамға» башҡорт милли кейеме оҫталарының халыҡ-ара конкурсы ҡатнашыусыһы Айгөл Вәлиева күрһәтәсәк.

Ойоштороусылар бөтә теләүселәрҙе лә ҡатнашырға саҡыра. Эш өсөн туҡыма киҫәге, йөн мулинә, көрән һәм ҡыҙыл ебәк ептәр, 3-4 сантиметрҙағы осло энә (энә күҙе лә ҙур булһын) кәрәк буласаҡ. Мулинә менән ептәрҙе дәрестә лә һатып алырға була.

Фото: Республиканский центр народного творчества РБ (vk.com).