Бөтә яңылыҡтар
Иман
23 Октябрь , 12:30

«Икенсе бишәү килгәнсе, биш нәмәнең ҡәҙерен бел»

Беренсе нәмә – ул йәшлек. Ҡартлыҡ еткәнсе, йәшлектең ҡәҙерен бел. Матур йәш сағыңдың ҡәҙерен белеп йәшә, уны юҡҡа сарыф итмә. Ҡартлыҡ еткәс, ҡайтарырға теләһәң дә, мөмкинлегең булмаҫ, ти пәйғәмбәребеҙ ғәләйһиссәләм.

«Икенсе бишәү килгәнсе, биш нәмәнең ҡәҙерен бел»
«Икенсе бишәү килгәнсе, биш нәмәнең ҡәҙерен бел»

Икенсеһе – сир килгәнсе,  сәләмәтлектең ҡәҙерен бел, ти. Аллаһы Тәғәлә һаулыҡ биргән икән, был – оло байлыҡ. Уны бер ниндәй байлыҡҡа, аҡсаға ла алмаштырып булмай. Шуға сәләмәт булғанда ла ғибәҙәттә уҙғарырға кәрәклеген белдерә.

Өсөнсөһө – фәҡирлек килгәнсе, байлыҡтың ҡәҙерен бел, ти. Уны Аллаһы Тәғәлә юлында тот, Уға хеҙмәт итергә онотма, тип иҫкәртә.
Дүртенсеһе –  эш баҫҡансы, буш ваҡытыңдың ҡәҙерен бел, ти. Көндәлек эштәр менән генә мәшғүл булмайынса, Аллаһы Тәғәләгә ғибәҙәт ҡылырға ла ваҡыт тап,ти.

Бишенсеһе  – үлем килгәнсе, ғүмерҙең ҡәҙерен бел, ти. Пәйғәмбәребеҙ ғәләйһиссәләм: «Ғүмерҙең ҡәҙерен бел, әхирәт тураһында уйлан», – тип ҡат-ҡат нәсихәт бирә. Әхирәтте иҫкә алыу өсөн зыяратҡа барырға кәрәк.

(Бохари, Риҡаҡ,3, Тирмиҙи, Зуһд, 25 )

 

Фото: Т. АМАНОВ.

Автор:Гөлназ Шәйхетдинова
Читайте нас в