Исламда таҙалыҡтың ете ҡағиҙәһе

= Ҡолаҡтарҙың таҙалығы.

Ғәйбәт, фетнә һәм дошманлыҡҡа саҡырыусы һүҙҙәрҙе тыңламау.

= Күҙҙәрҙең таҙалығы.

Кешеләргә көнсөллөк, боҙоҡлоҡ һәм шәһүәт менән ҡарамау.

= Ауыҙҙың таҙалығы.

Буш һүҙҙән, ғәйбәттән һәм сиктән уҙып күп һөйләүҙән тыйылыу. «Һөйләшеү көмөш булһа, өндәшмәй тороу – алтын», – ти халыҡ.

= Тәндең, кейемдең һәм йәшәгән урындың таҙа һәм бөхтә булыуы.

= Уй һәм фекерҙең таҙа булыуы.

Гонаһлы фекерҙәргә юл ҡуймау. Бигерәк тә башҡалар тураһында тейешһеҙ насар уйҙар уйламау.

= Йөрәктең таҙа булыуы.

Иманһыҙлыҡ, ике йөҙлөлөк, тәкәбберлек һәм көнсөллөк сирҙәренән сәләмәт булыу.

Хөрмәтле дуҫым! Паклыҡ тураһында һүҙ барғанда, Бәйғәмбәребеҙҙең (с.ғ.в.) «Таҙалыҡ – имандың яртыһы» тигән һүҙен иҫкә төшөрмәү һис мөмкин түгел. Эйе, юғарыла яҙылған таҙалыҡ ҡағиҙәләрен үҙендә булдыра алмаған кешене тулы иманлы кеше тип әйтеү ауыр...

Фото: Т,Аманов