Зәхмәт ҡағылыуҙы, күҙ тейеүселәрҙе, сихырлаусыларҙы дауалаусыларға ла талаптар бар. Был диндар кеше намаҙҙа булырға, Ҡөрьәнде дөрөҫ уҡырға, өшкөрөү тәртибен яҡшы белергә тейеш. Сер түгел, фәрештәләр, ендәр донъяһы тигән параллель донъя бар. Унда белер- белмәҫ инһәң, үҙеңә лә, өшкөрөлөүсе кешегә лә зыян килтереүең ихтимал. Һәр хәлдә, кеше үҙе йәшәгән ерендә, өйөндә өшкөрөү менән шөғөлләнмәҫкә тейеш.
Үҙең өсөн иң яҡшы өшкөрөү – намаҙ. Был ғибәҙәт араһында, Хоҙайҙы иҫкә алғанда, һиңә зыян килтерә алмаҫтар. Харамға яҡын булһаң, зарар ҡылыу анһат.