Был шиғырымды Ленинград өсөн яуҙа башын һалған олатайым, 371-се уҡсылар полкы яугиры Һиҙиәт Хәйрулла улы Вәлишиндың яҡты иҫтәлегенә арнайым. Ҡыҙғанысҡа ҡаршы, уның ике улына аталарының төҫө булып фотоһүрәте лә ҡалмай. «Үлем» хәбәрендә ерләнгән урыны ла дөрөҫ яҙылмаған була. Быны беҙ күптән түгел генә асыҡланыҡ. Өләсәйем Ғәйникамал Ноғоман ҡыҙы Вәлишина балаларының атаһын һуңғы һулышынаса көттө.
Туғыҙ йәшлек инде Нуруллаһы,
Ғәтиәткә алты ай ни бары.
Ике бөркөт баҡҡан ғаиләнең
Төпсөктәре тәпәй баҫҡанында
Өлкәненең ҡурай тотҡанын.
Тик һүнде шул яҡты өмөттәр,
Дошман килгәс илгә яу булып,
Ҡулға ҡорал алды ир-егеттәр –
Башҡайҙары кемдең һау булыр?
Атаһынан берсә алға сығып,
Сат йәбешкәс берсә илаулап,
Күпме улан шулай көтөп ҡалған
Тик атаһы күҙҙән юғалғас,
Ә алда тик ҡамауҙарҙы еңеү –
Мөмкин түгел һис тә сигенеү!
Ирмен тигән ирҙең зиһене!
Һуңғы яуға ингән ир-егеттең
Һөйгәне һәм уландары өсөн
Йәлләмәйсә ҡойҙо ул ҡанын.
Ә алыҫта инде йәй ҙә түгел,
Һары көҙҙөң һәр бер көнөндә
Изге хәбәр көттө ғаиләләр,
Өндә генә түгел, төшөндә!
Тик Невала һалҡын елдәр иҫте,
Яуыз дошман йөрәк өшөттө.
Эй тырышты һаҡсылары илдең
...Шлиссельбургтан алыҫ түгел
Бер ауыл бар – Липки исеме...
Ҡайғы хәбәре унан килгән саҡта
Әллә иртә, әллә кис ине...
«Шунда һәләк булды яҡынығыҙ –
Юғалттыҡ беҙ мәргән уҡсыны!»
Теште ҡыҫып күпме түҙәһе!
Ир ҡорона ингән малайҙарҙың
Бар ине лә ҡолонсаҡтай сабып,
Тик ҡәһәрле һуғыш тәнәйҙәрҙең
Түңкәрҙе лә эшкә егеп ҡуйҙы –
Илде баҫып ингән дошманды
Еңеү көнө килгәс, етемһерәп,
Юлдан күҙ ҙә алмай малайҙар,
Аталарын көттө тилмерешеп,
Һис ышанмай ҡара хәбәргә!
Баҫа алмай сабый хәсрәтен!
Уландарға атай төҫө булып,
Ҡалмаған бит хатта һүрәте!
Етем ҡалған һуғыш балалары,
Мәхрүм булып «атай» һүҙенән,
Инде атай үҙе Нурулла ла,
Алһыу таңдар ата ҡыҙарып.
Тик бер нәмә генә тынғы бирмәй –
Һуңғы һулыш алған һалдатҡа
Кем күрһәтте икән ҡәҙерҙе?
Булғанғамы «ҡара ҡағыҙ»ҙа,
Яугир ирҙең һуңғы төйәген
Насип булмай һис тә табырға!
Үҫтерәләр картуф баҡсаһы...
Яугир һөйәктәре ятҡан ергә
Кемдәр генә ҡыйып баҫалыр?!
Күмгән тиҙәр был урынды хәҙер
Шул баҡсаның бейек үләне!
Иҫләр әле, иҫләр Ленинград
Уландарҙан ҡала ейәндәрҙең
Йөрәктәре һыҙлап янғанды!
Яугирҙарҙың изге ҡаны һаман
Ысыҡ булып ергә тамғанды!
Ғамзатовтың торналары булып
Изге йәндәр ергә ҡайтырын!
тележурналист, РФ һәм БР Журналистар союзы ағзаһы, Башҡортостандың атҡаҙанған
матбуғат һәм киң мәғлүмәт