Ализа СУРИНА

Киләһе ҡатнашыусыбыҙға – 19 йәш. Сибай ҡыҙы республикабыҙҙың баш ҡалаһында белем ала. Башҡорт иҡтисад-юридик колледжының II курсын тамамлаған. Ализа бөтә яҡтан әүҙем, юҡҡа ғына уны төркөмгә староста итеп һайламағандар.
Бәләкәйҙән яуаплы булып үҫә ул. Ата-әсәһенә – таяныс, ярҙамсы, 
һеңлеһе менән ҡустыһына өлгө булып, уларҙы ҡарап йөрөтә. 
Гитарала уйнап йырларға, тәмлекәстәр бешерергә әүәҫ һылыуҡай бер минутын да бушҡа үткәрмәй. Ә хыялы – тәфтишсе булыу. Ализаның яҡшы ғына уҡып бөтөп, һөнәре буйынса эш табып, халҡыбыҙға 
хеҙмәт иткеһе килә.

Л. МӘҮЛИТОВА.