+13 °С
Облачно
"Йәшлек" гүзәле
2 Июня , 00:55
София ЛУКЬЯНОВА
17 йәшлек һылыуҡайыбыҙ – Силәбе өлкәһенең Әшә ҡалаһынан. Мәктәптән һуң уҡыуын дауам итеү өсөн Өфөләге колледждарҙың береһен һайлаған ул – документтар һәм архив буйынса белгес булмаҡсы.
София буш ваҡытында әҙәби әҫәрҙәр уҡыу менән мауыға, классик яҙыусыларҙы үҙ итә. Йәнә фотоға төшөрөү менән ҡыҙыҡһына.
– Мин тирә-йүндәге үҙенсәлекле, ҡыҙыҡлы мәлдәрҙе мәңгелеккә тотоп ҡалырға тырышам, – ти ул. – Һәр көндә ниндәйҙер матурлыҡ бар бит.
Софияның хыялы – уҡыуҙы уңышлы тамамлап, һөнәре буйынса эшләү. Тағы ла китаптар донъяһы һәм фотоға төшөрөү үҙенсәлектәре хаҡында блог алып барырға ла уйлай.
Л. МӘҮЛИТОВА.
