Алһыу ШӘЙМӘРҘӘНОВА

Ҙур һәм татыу ғаиләлә тәрбиәләнеүсе Алһыу – Өфө ҡыҙы. Ул мәктәп йылдарынан уҡ үҙенең тырыш, маҡсатлы булыуы менән айырылып торҙо. Баш ҡалалағы 108-се мәктәптә тик яҡшы билдәләргә генә өлгәште, айырыуса ма­тематика, тарих, инглиз теле, физкультура дәрестәрен көтөп ала ине. Былтыр Алһыу мәк­тәпте алтын миҙалға тамам­ланы.
Ҡыҙҙың иң яратҡан шөғөлө – бейеү. “Башмачок” өлгөлө ха­лыҡ бейеүҙәре ансамблендә тиҫтә йыл солист булараҡ сығыш яһаны. Күмәкләп төрлө сәхнәне яуланылар, күп ерҙе  күрҙеләр. Ул йылы хәтирәләр күңелемдә мәңге һаҡланыр, ти Алһыу. 
Әле лә бейеүен дауам итә. Ул хәҙер – Өфө фән һәм тех­но­логиялар университеты сту­денты, юрист һөнәрен үҙ­ләш­терә. Бар ергә лә өлгөрә ҡыҙ – ата-әсәһенең ғорурлығы ул!

Лилиә ФАЗЛЕТДИНОВА.