Әҙилә  ИШЕМҒУЖИНА

Әҙилә – күп балалы өл­гөлө ғаиләнән, Өфө ҡа­лаһында тыуып үҫкән. Һомғол буйлы, итәғәтле, аҡыллы ҡыҙ бәләкәйҙән бейеүгә ғашиҡ, бала саҡтан сәхнә түренән төшмәй.
Сәнғәт өлкәһендә генә түгел, уҡыуҙа ла һы­натмай ул: мәктәпте тик “бишле” билдәләренә тамамлаған, бөтә сарала ҡатнашҡан. Әле Өфө дәүләт нефть техник университетында уҡып йөрөй. Әйткәндәй, күптәр Әҙиләне “Тамыр” балалар һәм үҫ­мерҙәр телеканалы аша беләлер әле: 3 йәшенән тапшырыуҙарҙа ҡатнашты.
Тырыш ҡыҙ йәйге каникулын быйыл да бушҡа үткәрмәне, кәрәк-ярағына аҡса эшләне. Артабан да уңыштар теләйем һиңә!

Зәлиә ШАҺЫБАЛОВА.